வீடு தேடி சென்று உதவும் "சிலிண்டர் மகள்".. ஆக்சிஜன் தேவைப்படுவோருக்கு இலவச சப்ளை.. உபி...யில்..!

ஆக்சிஜன் சிலிண்டர் விநியோகம் இலவசமாக செய்கிறார் ஒரு இளம்பெண்

Updated: Wednesday, May 19, 2021, 22:52 [IST]

Subscribe to Oneindia Tamil

லக்னோ: யாருக்கெல்லாம் ஆக்சிஜன் சிலிண்டர் தேவையோ, அவர்களுக்கு வீடு தேடி சென்று தந்து வருகிறார் ஒரு இளம்பெண் ஒருவர்.. அதுவும் இலவசமாகவே தருகிறார்.. இதனால், அந்த பெண்ணை "சிலிண்டர்வாலி பேட்டியா" (சிலிண்டரின் மகள்) என்று அந்த பகுதி மக்கள் அன்போடு அழைத்து வருகிறார்கள்.

தற்போது வைரஸ் பரவல் அதிகமாகிவிட்டது.. தொற்று பாதிப்பும் அதிகமாகி உள்ளது. உயிரிழப்புகளும் அதிகமாகி வருகிறது..!

பாதிக்கப்பட்டோர் ஆஸ்பத்திரிகளில் சிகிச்சைக்காக அனுமதிக்கப்பட்டுள்ளனர்.. அதனால், ஆஸ்பத்திரிகளிலும் இடமில்லை.. ஆக்சிஜன் தட்டுப்பாடும் ஏற்பட்டுள்ளது.

தந்தை

உத்தரபிதேசத்தில் இந்த பிரச்சனை அதிகமாக இருப்பதாக ஏற்கனவே செய்திகள் வந்த நிலையில், இதை அம்மாநில முதல்வர் மறுத்திருந்தார். ஆனால், இறப்பு எண்ணிக்கை அதிகமாகி கொண்டே இருக்கிறது.. இதற்கு முக்கிய காரணம், ஆக்சிஜன் தட்டுப்பாடே காரணம் என்றும் சொல்லப்பட்டு வருகிறது. இந்நிலையில், கொரோனா பாதித்து ஆக்சிஜன் தேவைப்படுபவர்களுக்கு இலவசமாக ஆக்சிஜன் வழங்கி வருகிறார் இதே உபியை சேர்ந்த இளம்பெண் ஒருவர்..

அப்பா

உத்தரகாண்ட் எல்லையில் ஷாஜஹான்பூர் என்ற பகுதியை சேர்ந்த பெண் அர்ஷி.. இவருடைய அப்பாவுக்கு சில நாட்களுக்கு முன்பு, கொரோனா தொற்று ஏற்பட்டுள்ளது... எனவே, அப்பாவை ஆஸ்பத்திரிக்கு அழைத்து சென்றுள்ளார்.. ஆனால், படுக்கை வசதி கிடைக்கவில்லை.. எனவே வீட்டில் வைத்தே தன்னுடைய தந்தையை கவனித்து வந்துள்ளர்.. அப்போது, தன்னுடைய அப்பாவுக்கு உத்தரகாண்டில் உள்ள ஒரு தொண்டு நிறுவனம் ஆக்சிஜன் வழங்கி உதவியது..

ஆக்சிஜன்

இதையடுத்து, அப்பா தொற்றில் இருந்து மீண்டுவிட்டார்.. அதற்கு பிறகு, அதே தொண்டு நிறுவன உதவியுடன் ஆக்சிஜன் தேவைப்படுபவர்களுக்கு இலவசமாக ஆக்சிஜன் வழங்கி வருகிறார். இவருடன் அர்ஷியும் உடன்சென்று ஆக்சிஜன் சிலிண்டர்களை விநியோகம் செய்கிறார். தன்னுடைய ஸ்கூட்டியில் வைத்தே இந்த ஆக்சிஜன் சிலிண்டர்களை விநியோகித்து வருகிறார்.

பாராட்டு

அர்ஷி இதை பற்றி சொல்லும்போது, "உத்தரகாண்ட் என்ஜிஓக்களால்தான் என் அப்பா உயிர் பிழைத்தார்.. இதே முறையை பயன்படுத்தி பாதிக்கப்படும் அனைவருக்கும் ஆக்சிஜன் சிலிண்டரை அளிக்க முடிவு செய்தேன்.. இதுவரை, சுமார் 45 சிலிண்டர்களை இலவசமாக தந்துளேன்.. எனக்கு கிடைத்த சிலிண்டரில் 18 முறை ஆக்சிஜன் நிரப்பியும் தந்துள்ளேன்" என்றார்.