மதுரை வழியாக செல்லும் தென் மாவட்ட ரயில்களின் போக்குவரத்தில் மாற்றம்.. பாதை மாறும் ரயில்கள் விவரம்

மதுரை: மதுரை கோட்ட ரயில்வேக்கு உள்பட்ட பகுதிகளில் உள்ள தண்டவாளங்களில் பராமரிப்பு பணிகள் நடந்து வருவதால் தென்மாவட்ட ரயில்களின் போக்குவரத்தில் மாற்றம் செய்யப்பட்டுள்ளது. கோவை-நாகர்கோவில் ரயில் (வ.எண்.16322) நாளை முதல் வருகிற 31-ந் தேதி வரை திண்டுக்கல் ரயில் நிலையத்துடன் நிறுத்தப்படும். குருவாயூர்-சென்னை எக்ஸ்பிரஸ் ரயில் (வ.எண்.16128) வருகிற 17-ந் தேதி முதல் 21-ந் தேதி வரை, 24-ந் தேதி முதல் 26-ந் தேதி வரை விருதுநகரில் இருந்து மானாமதுரை வழியாக திருச்சி செல்லும்.

மதுரை கோட்ட ரயில்வேக்கு உள்பட்ட பகுதிகளில் தண்டவாள பராமரிப்பு பணிகள் நடக்க இருப்பதால் தென்மாவட்ட ரயில்களின் போக்குவரத்தில் மாற்றம் செய்யப்பட்டுள்ளது. தெற்கு ரயில்வே வெளியிட்ட அறிவிப்பின் படி, செங்கோட்டை-மயிலாடுதுறை ரயில் (வ.எண்.16848) நாளை (புதன்கிழமை) வருகிற 18-ந் தேதி முதல் 22-ந் தேதி வரை, 24-ந் தேதி முதல் 27-ந் தேதி வரை, 30-ந் தேதி ஆகிய நாட்களில் விருதுநகரில் இருந்து மானாமதுரை, காரைக்குடி, புதுக்கோட்டை வழியாக திருச்சி செல்கிறது. இதற்காக இந்த ரயில் அருப்புக்கோட்டை, மானாமதுரை, சிவகங்கை மற்றும் காரைக்குடி ஆகிய ரயில் நிலையங்களில் நிறுத்தப்படும்.

மறுமார்க்கத்தில் மயிலாடுதுறை-செங்கோட்டை ரயில் (வ.எண்.16847) நாளை (புதன்கிழமை), வருகிற 20-ந் தேதி, 23, 27 மற்றும் 30-ந் தேதிகளில் திருச்சியில் இருந்து காரைக்குடி, மானாமதுரை வழியாக விருதுநகர் வந்தடையும். இந்த ரயில் புதுக்கோட்டை, காரைக்குடி, தேவகோட்டை ரோடு, சிவகங்கை, மானாமதுரை, அருப்புக்கோட்டை ஆகிய ரயில் நிலையங்களில் நின்று செல்லும்.

கன்னியாகுமரி-சரளப்பள்ளி வாராந்திர சிறப்பு ரயில் (வ.எண். 07229) வருகிற 18-ந் தேதி மற்றும் 25-ந் தேதிகளில் விருதுநகரில் இருந்து மானாமதுரை, காரைக்குடி வழியாக திருச்சி செல்கிறது. இந்த ரயில் அருப்புக்கோட்டை, மானாமதுரை, சிவகங்கை, புதுக்கோட்டை மற்றும் காரைக்குடி ஆகிய ரயில் நிலையங்களில் நின்று செல்லும்.

கன்னியாகுமரி-ஹவுரா வாராந்திர எக்ஸ்பிரஸ் ரயில் (வ.எண்.12666) வருகிற 19-ந் தேதி மற்றும் 26-ந் தேதிகளில் விருதுநகரில் இருந்து மானாமதுரை, காரைக்குடி வழியாக திருச்சி செல்லும். இந்த ரயில் மானாமதுரை, சிவகங்கை, காரைக்குடி மற்றும் புதுக்கோட்டை ஆகிய ரயில் நிலையங்களில் நின்று செல்லும்.

மாதா வைஷ்ணவதேவி கத்ரா-நெல்லை வாராந்திர ரயில் (வ.எண்.16788) வருகிற 17-ந் தேதி மற்றும் 24-ந் தேதிகளில் திருச்சியில் இருந்து காரைக்குடி, மானாமதுரை வழியாக விருதுநகர் வந்தடையும். இந்த ரயில் புதுக்கோட்டை, காரைக்குடி, சிவகங்கை மற்றும் மானாமதுரை, அருப்புக்கோட்டை ஆகிய ரயில் நிலையங்களில் நின்று செல்லும்.

கோவை-நாகர்கோவில் ரயில் (வ.எண்.16322) நாளை முதல் வருகிற 31-ந் தேதி வரை திண்டுக்கல் ரயில் நிலையத்துடன் நிறுத்தப்படும். மறுமார்க்கத்தில் நாகர்கோவில்-கோவை ரயில் (வ.எண்.16321) வருகிற 26 மற்றும் 27-ந் தேதிகளில் விருதுநகரில் இருந்து மானாமதுரை, காரைக்குடி, திருச்சி, கரூர் வழியாக கோவை செல்லும். இந்த ரயில் அருப்புக்கோட்டை, மானாமதுரை, சிவகங்கை, காரைக்குடி மற்றும் புதுக்கோட்டை ஆகிய ரயில் நிலையங்களில் நின்று செல்லும்.

திருச்சி-ராமேசுவரம் ரயில் (வ.எண்.16849) நாளை முதல் 18-ந் தேதி வரை, 21-ந் தேதி முதல் 23-ந் தேதி வரை, 25-ந் தேதி, 28-ந் தேதி முதல் 31-ந் தேதி வரை மானாமதுரையுடன் நிறுத்தப்படும்.

மறுமார்க்கத்தில் இந்த ரயில் (வ.எண்.16850) நாளை முதல் 18-ந் தேதி வரை, 21-ந் தேதி முதல் 23-ந் தேதி வரை, 25-ந் தேதி, 28-ந் தேதி முதல் 31-ந் தேதி வரை ராமேசுவரத்தில் இருந்து புறப்படுவதற்கு பதிலாக மானாமதுரையில் இருந்து மாலை 4.55 மணிக்கு புறப்படும்.

குருவாயூர்-சென்னை எக்ஸ்பிரஸ் ரயில் (வ.எண்.16128) வருகிற 17-ந் தேதி முதல் 21-ந் தேதி வரை, 24-ந் தேதி முதல் 26-ந் தேதி வரை விருதுநகரில் இருந்து மானாமதுரை வழியாக திருச்சி செல்லும். இந்த ரயில், அருப்புக்கோட்டை, மானாமதுரை, சிவகங்கை, காரைக்குடி மற்றும் புதுக்கோட்டை ஆகிய ரயில் நிலையங்களில் நின்று செல்லும்.

நாகர்கோவில்-மும்பை எக்ஸ்பிரஸ் ரயில் (வ.எண்.16352) வருகிற 20-ந் தேதி, 24-ந் தேதி மற்றும் 27-ந் தேதிகளில் விருதுநகரில் இருந்து மாற்றுப்பாதை வழியாக திருச்சி செல்லும். இந்த ரயில் அருப்புக்கோட்டை, மானாமதுரை, சிவகங்கை, காரைக்குடி மற்றும் புதுக்கோட்டை ஆகிய ரயில் நிலையங்களில் நின்று செல்லும்.

நாகர்கோவில்-கச்சிகுடா வாராந்திர எக்ஸ்பிரஸ் ரயில் (வ.எண்.16354) வருகிற 26-ந் தேதி விருதுநகரில் இருந்து அருப்புக்கோட்டை, மானாமதுரை, சிவகங்கை, காரைக்குடி மற்றும் புதுக்கோட்டை வழியாக திருச்சி செல்லும்.

மதுரை-கச்சிக்குடா வாராந்திர சிறப்பு ரயில் (வ.எண்.07192) நாளை (புதன்கிழமை) மற்றும் 30-ந் தேதி ஆகிய நாட்களில் மதுரை ரயில் நிலையத்தில் இருந்து வழக்கமான நேரத்திற்கு பதிலாக சுமார் ஒரு மணி நேரம் தாமதமாக மதியம் 12 மணிக்கு புறப்படும்.

ராமேசுவரம்-சரளப்பள்ளி சிறப்பு ரயில் (வ.எண். 07696) வருகிற 18-ந் தேதி மற்றும் 25-ந் தேதிகளில் ராமேசுவரத்தில் இருந்து காலை 9.10 மணிக்கு புறப்படுவதற்கு பதிலாக சுமார் 10 மணி நேரம் தாமதமாக இரவு 7 மணிக்கு புறப்படும்.

மதுரை- பிகானீர் அனுராவத் எக்ஸ்பிரஸ் ரயில் (வ.எண்.22631) வருகிற 24-ந் தேதி மதுரையில் இருந்து சுமார் 2 மணி நேரம் தாமதமாக மதியம் 2 மணிக்கு புறப்படும்.

மதுரை-கச்சிகுடா வாராந்திர ரயில் (வ.எண்.22716) வருகிற 27-ந் தேதி மதியம் 1.15 மணிக்கு புறப்படுவதற்கு பதிலாக மாலை 4 மணிக்கு புறப்படும்.

English summary

Due to maintenance work being carried out on the tracks in areas under the Madurai Divisional Railway, the movement of trains in the Southern District has been changed.