சாத்தான்குளம் வழக்கு தீர்ப்பு.. மீண்டும் உயிர்த்தெழும் ஜெய்பீம் சம்பவம்! முடிவு எப்போது?

மதுரை: சாத்தான்குளம் காவல் நிலைய மரணம் தொடர்பான வழக்கில், 9 காவலர்களுக்கும் நீதிமன்றம் இரட்டை மரண தண்டனையை வழங்கியிருக்கிறது. தண்டனை விவரம் வெளியான நிலையில், ஜெய்பீம் திரைப்படத்துடன் இந்த வழக்கு தொடர்புப்படுத்தி பேசப்படுகிறது.

ஜெய்பீம் திரைப்படத்துடத்தல் ராஜாகண்ணு வழக்கு பேசப்பட்டிருந்தது. ஜெயராஜ்-பென்னிக்ஸ் வழக்குகளின் அமைப்பில் ராஜாகண்ணு வழக்கு லேசாக ஒத்து போகிறது. இரண்டிலும் பாதிக்கப்பட்டவர்கள் சமூக பொருளாதார ரீதியாகப் பின் தங்கியவர்கள்தான். இரண்டிலும் சிறிய குற்றச்சாட்டுகளின் பேரில் போலீஸ் நடவடிக்கை தொடங்கியது.

இரண்டிலும் காவல்துறையின் கூற்று சந்தேகத்திற்குரியதாக மாறியது. ராஜாகண்ணு வழக்கில் அவர் தப்பியோடிவிட்டதாகக் கூறப்பட்டது. இரண்டிலும் காவல் நிலையமே வன்முறை நடந்த இடமாக வெளிப்பட்டது.

ஜெய் பீம் சம்பவம்

ஜெய் பீம் படம் 1993-ல் நடந்த ராஜாகண்ணு என்ற பழங்குடியின நபரின் காவல் மரணத்தை அடிப்படையாகக் கொண்டது. 30 ஆண்டுகள் இடைவெளி இருந்தாலும், சாத்தான்குளம் சம்பவமும் அதே போன்ற ஒரு அதிகார அத்துமீறலை நினைவுபடுத்தியது. பாதிக்கப்படக்கூடியவர்கள் சமானியர்கள்தான்.

இந்தத் தீர்ப்பு ஒரு நீதியைக் கொடுத்திருந்தாலும், ராஜாகண்ணு வழக்கில் இருந்து சாத்தான்குளம் வரை, சுமார் 30 ஆண்டுகளாகியும் காவல் நிலையங்களில் நடக்கும் இத்தகைய அத்துமீறல் முறைகள் மாறாமல் இருப்பது ஏன்?

சினிமாக்கள் மூலம் இத்தகைய வன்முறையைத் திரையில் கண்டு அதிர்ச்சியடையும் சமூகம், நிஜ வாழ்க்கையில் அதைத் தடுப்பதில் இன்னும் சவால்களை எதிர்கொண்டு வருகிறது.

சாத்தான்குளம் தீர்ப்பு என்பது வெறும் 9 பேருக்கு வழங்கப்பட்ட தண்டனை மட்டுமல்ல; அது "காவல் நிலையக் கதவுகளுக்குப் பின்னால் சாமானிய மனிதனுக்கு என்ன பாதுகாப்பு?" என்ற பயத்திற்கு எதிராக நீதித்துறை வழங்கிய ஒரு வலுவான பதிலாகும். 'ஜெய் பீம்' திரைப்படம் கடந்த கால வலியைப் பதிவு செய்திருந்தது என்றால், இந்தத் தீர்ப்பு நிகழ்காலத்திற்கான ஒரு எச்சரிக்கையாகப் பார்க்கப்படுகிறது.

English summary

In the case concerning the deaths at the Sathankulam police station, the court has handed down a double death sentence to nine police personnel. Following the announcement of the verdict, this case is being discussed in connection with the film *Jai Bhim*.