அதிமுகவில் மீண்டும் இணைவார்.. தினகரன் மறுத்தாலும் அடித்து சொல்கிறார் மதுரை ஆதீனம்

Updated: Monday, April 1, 2019, 15:48 [IST]

Subscribe to Oneindia Tamil

Recommended Video

அதிமுகவில் தினகரன் கண்டிப்பாக இணைவார்... அடித்து சொல்லும் ஆதினம்

மதுரை: அதிமுகவில் மீண்டும் டிடிவி தினகரன் இணைவார் என மதுரை ஆதீனம் ஆரூடம் கூறியுள்ளார்.

நாடாளுமன்றத் தேர்தல் பிரசாரங்கள் சூடுபிடித்துள்ளன. அமமுக தனித்து போட்டியிடுகிறது. அதிமுக பாஜக, பாமக ஆகிய கட்சிகள் கூட்டணி அமைத்து போட்டியிடுகின்றன.

இதுகுறித்து அவர் மதுரையில் செய்தியாளர்களிடம் கூறுகையில் அதிமுகவில் டிடிவி தினகரனை இணைக்க பேச்சுவார்த்தை நடக்கிறது. யார் யார் பேச்சுவார்த்தை நடத்துகிறார்கள் என்பதை வெளிப்படையாக சொல்ல முடியாது.

இணைவார்

எனவே தேர்தலுக்கு பிறகு டிடிவி தினகரன் அதிமுகவில் இணையும் காலம் வரும். பொறுத்திருந்து பாருங்கள். அவர் நிச்சயம் அதிமுகவில் இணைவார் என்று கூறியுள்ளார் மதுரை ஆதீனம்.

பேச்சுவார்த்தை

இதே கருத்தை இவர் கடந்த சில நாட்களுக்கு முன்னர் கூறியிருந்தார். ஆனால் டிடிவி தினகரன் அந்த கருத்துக்கு மறுப்பு தெரிவித்திருந்தார். டிடிவி தினகரன் கூறுகையில் அதிமுகவுடன் இணைய எந்த பேச்சுவார்த்தையும் நடத்தப்படவில்லை.

மீண்டும் அதே கருத்து

அதிமுகவில் இணைய வேண்டிய அவசியம் இல்லை. எனவே மதுரை ஆதீனத்தின் கருத்து தவறானது என்றார் டிடிவி. இந்த நிலையில் மதுரை ஆதீனம் இதே கருத்தை தற்போது மீண்டும் வலியுறுத்தியுள்ளார்.

முடியாது என பதில்

அதிமுகவில் தினகரனை இணைத்துக் கொள்வீர்களா என்ற கேள்விக்கு ஓபிஎஸ்- ஈபிஎஸ் தரப்பு முடியாது என பதில் அளித்திருந்தது. மேலும் தினகரனை நம்பி போனவர்கள் மனம் திருந்தி அதிமுகவுக்கு வந்தால் அவர்களை வரவேற்க காத்திருக்கிறோம் என்று அதிமுக மூத்த நிர்வாகிகள் கூறினர்.