மதுரை தொகுதி: 'மாமதுரை' மண்ணில் மீண்டும் செங்கொடி பறக்கும்? இரட்டை இலை இனி ஒருமுறை துளிர்க்கும்?

மதுரை: மதுரை லோக்சபா தொகுதியில் காங்கிரஸ், திமுக, சிபிஎம் வலிமையான வாக்கு வங்கியை கொண்டிருப்பதால் 'மாமதுரை' மாநகரை தக்க வைக்க சிபிஎம் வேட்பாளர் சு.வெங்கடேசன் தீவிரமாக உள்ளார்.

மதுரை லோக்சபா தொகுதிக்குட்பட்ட சட்டசபை தொகுதிகள்: மேலூர், மதுரை கிழக்கு, மதுரை மேற்கு, மதுரை மத்தி, மதுரை தெற்கு, மதுரை வடக்கு.

மதுரை லோக்சபா தொகுதி மொத்த வாக்காளர்கள்: 15,76,745; ஆண்கள்- 7,74,381; பெண்கள்- 8,02,176: 3-ம் பாலினத்தவர்- 188

2009-ம் ஆண்டு தேர்தல் முடிவுகள்

மு. க. அழகிரி(திமுக ) 4,31,295
மோகன்(சிபிஎம்) 2,90,310
கவிஅரசு (தேமுதிக) 54,419

2014-ம் ஆண்டு தேர்தல் முடிவுகள்

இரா. கோபாலகிருஷ்ணன் (அதிமுக) 4,54,167
வி. வேலுசாமி(திமுக ) 2,56,731
சிவமுத்துகுமார் (தேமுதிக) 1,47,300
பாரத் நாச்சியப்பன்(காங்கிரஸ்) 32,143

2019-ம் ஆண்டு தேர்தல் முடிவுகள்

சு.வெங்கடேசன் (சிபிஎம்) 4,47,075
ராஜ் சத்யன் (அதிமுக) 3,07, 680
டேவிட் அண்ணாதுரை (அமமுக) 85,747
அழகர் (மக்கள் நீதி மய்யம்) 85,048

2024-ம் ஆண்டு களத்தில் நிற்பவர்கள்

சு.வெங்கடேசன் (சிபிஎம்)
சரவணன் (அதிமுக)
ராம ஶ்ரீனிவாசன் (பாஜக)
சத்யதேவி (நாம் தமிழர் கட்சி)

மதுரை லோக்சபா தொகுதி நிலவரம் என்ன?: காங்கிரஸ் 5 முறை வென்ற தொகுதிதான். இப்போது திமுக, அதிமுக வலிமையான வாக்கு வங்கியைக் கொண்டிருக்கிறது. இடதுசாரி கட்சிகளுக்கும் கணிசமான வாக்குகள் உள்ளன. மறைந்த முன்னாள் முதல்வர் கருணாநிதி மகன் மு.க.அழகிரி இத்தொகுதியில் போட்டியிட்டு வென்று மத்திய அமைச்சரானார். 1998-ல் ஜனதா கட்சியின் சுப்பிரமணியன் சுவாமியும் இங்கு போட்டியிட்டு வென்றார். சிபிஎம் கட்சி 3 முறை வென்றுள்ளது. சிட்டிங் எம்பியாக இருப்பவர் சிபிஎம் கட்சியின் சு.வெங்கடேசன். அதிமுக ஒரே ஒரு முறைதான் இத்தொகுதியில் வென்றுள்ளது. இத்தனைக்கும் அதிமுகவின் அரசியல் வரலாற்றில் மதுரை மிக முக்கிய பங்கு வகிக்கக் கூடியதாகும். தமிழ்நாட்டின் மிக முக்கியமான பகுதி; தென் மாவட்டங்களின் தலைநகராக இருக்கக் கூடிய தொகுதி என்பதால் களம் காணும் கட்சிகள் வெற்றியை இலக்காக கொண்டு போராடுகின்றன. நெசவு, ஜவுளி, உதிரி பாகங்கள், உணவுப் பொருட்கள் தயாரிப்புகள் என பல்வேறு தொழில்கள் சங்கமிக்கும் நகரமாக இருக்கிறது மதுரை. பெரியாறு, வைகை அணை பாசனத்தை நம்பி விவசாயம் உள்ளது. விவசாயம் மற்றும் தொழில்துறை சார்ந்த நிறைய எதிர்பார்ப்புகள் உள்ளன. மதுரையின் எய்ம்ஸ் மருத்துவமனை நிறைவேற்றப்படாத ஒரு பெருங்கனவாகவே நீடித்து வருகிறது.

English summary

Explore Madurai Lok Sabha Constituency: Candidates, Assembly Constituencies, Voter Count, Past Results & Current Status. மதுரை மக்களவைத் தொகுதி: வேட்பாளர்கள், சட்டமன்றத் தொகுதிகள், வாக்காளர் எண்ணிக்கை, தேர்தல் முடிவுகள் & தற்போதைய கள நிலவரம் பற்றி அறிய இந்த பக்கத்தை பார்க்கவும்.