ரஜினி அரசியலுக்கு வரலை.. என்னத்த ஆலோசிக்கப் போகிறோம்? உற்சாகத்தை தொலைத்த மு.க. அழகிரி ஆதரவாளர்கள்
மதுரை: நடிகர் ரஜினிகாந்த் அரசியலுக்கு வராததால் மு.க. அழகிரி ஆதரவாளர்கள் உற்சாகத்தை இழந்த நிலையில் மதுரை ஆலோசனை கூட்டத்தில் பங்கேற்க சென்றுள்ளனர்.
ரஜினிகாந்த் அரசியலுக்கு வருவார்.. அவருடன் மு.க. அழகிரி, கலைஞர் திமுக கட்சியை தொடங்கி எப்படியும் கூட்டணி வைப்பார். இது திமுகவுக்கு நெருக்கடி தரும் என்பதுதான் மு.க. அழகிரி ஆதரவாளர்களின் எதிர்பார்ப்பாக இருந்தது.
ரஜினி அறிவிப்பால் அதிர்ச்சி
இந்த உற்சாகத்துடன் மதுரையில் அழகிரி இன்று கூட்டிய ஆலோசனை கூட்டத்துக்கு தடபுடலான ஏற்பாடுகளை செய்தும் வந்தனர். ஆனால் திடீரென ரஜினிகாந்த் அரசியக்கு வரப்போவது இல்லை என அறிவித்தார். இது அழகிரி ஆதரவாளர்களையும் அதிர்ச்சி அடைய வைத்தது.
ஆலோசனை கூட்டம்
இதனால் உற்சாகம் இழந்து காணப்படுகின்றனர் மு.க. அழகிரி ஆதரவாளர்கள். இன்று மாலையில் மதுரையில் அழகிரி நடத்தும் ஆலோசனை கூட்டத்தில் கலந்து கொள்வதிலும் ஆதரவாளர்கள் முனைப்பு காட்டாமல் இருக்கின்றனர். இன்றைய ஆலோசனை கூட்டத்திலும் கூட அழகிரி அப்படி ஒன்றும் அதிரடியாக முடிவு எடுக்கமாட்டார் என்றே கூறப்படுகிறது.
ஜகா வாங்கும் அழகிரி?
ஒருவேளை பாஜகவின் நெருக்கடி இருந்தால் மட்டுமே கலைஞர் திமுகவை அழகிரி அறிவிக்கவும் வாய்ப்பிருக்கிறது. இல்லையெனில் கூடிக் கலைந்துவிட்டு தேர்தல் தேதி அறிவிக்கட்டும்; எங்களது நிலைப்பாட்டை அறிவிக்கிறோம் என அழகிரி தரப்பு ஜகா வாங்கவும் வாய்ப்பிருக்கிறது.
அழகிரி சாய்ஸ் அமமுக?
தமிழகத்தில் கண்ணுக்கெட்டிய தொலைவு 3-வது வலிமையான கூட்டணிக்கு சாத்தியம் இல்லை என்பதை அழகிரி தரப்பும் உணர்ந்தே இருக்கிறது. இதனால் தேர்தல் நெருங்கும் வரை மவுனமாக இருந்துவிட்டு தேர்தலின் போது மறைமுகமாக கடந்த காலங்களைப் போல அமமுகவுக்கு கூட வாக்களிக்க அழகிரி உத்தரவிடக் கூடும் என்கின்றனர் அவரது ஆதரவாளர்கள்.
Click it and Unblock the Notifications
Sign in with Google