அட.. இந்தியை காணோம்... முழுக்க முழுக்க ஆங்கிலத்தில் பேசிய மோடி!

Updated: Sunday, January 27, 2019, 12:56 [IST]

Subscribe to Oneindia Tamil

மதுரை: மதுரையில் எய்ம்ஸ் மருத்துவமனை அடிக்கல் நாட்டு விழாவில் பிரதமர் மோடி முழுக்க ஆங்கிலத்தில் பேசியது பெரிய வைரலாகி உள்ளது.

மதுரையில் தோப்பூரில் அமையவுள்ள எய்ம்ஸ் மருத்துவமனைக்கான பிரதமர் நரேந்திர மோடி அடிக்கல் நாட்டினார். இன்று காலை நடந்த விழாவில் மோடி அடிக்கல் நாட்டினார்.

மதுரை தோப்பூரில் ரூ.1264 கோடியில் எய்ம்ஸ் மருத்துவமனை அமைய இருக்கிறது. இதற்காக இன்று காலை பிரதமர் மோடி மதுரை வந்தார்.

தமிழில் பேசினார்

எய்ம்ஸ் அடிக்கல் நாட்டு விழாவில் பிரதமர் மோடி 10 நிமிடம் பேசினார். வந்துள்ள எல்லோருக்கும் என்னுடைய வணக்கம் என்று தமிழில் பிரதமர் மோடி உரையை தொடங்கினார். அதேபோல் கடைசியாக நன்றி, வணக்கம் என தமிழில் தெரிவித்து உரையை நிறைவு செய்தார் பிரதமர் மோடி

இந்தி இல்லை

ஆனால் பிரதமர் மோடி ஒரு முறை இந்த உரையின் போது இந்தியில் பேசவில்லை. எய்ம்ஸ் குறித்து முழுக்க முழுக்க அவர் ஆங்கிலத்தில் பேசினார். மோடி இப்படி ஆங்கிலத்தில் பேசியது வைரலாகி உள்ளது.

என்ன வழக்கம்

எப்போதும் சில வார்த்தைகள் தமிழில் பேசும் மோடி, பின்பு ஹந்தியில் பேசுவார். இதை பாஜகவினர் உறுப்பினர் ஒருவர் மொழிபெயர்ப்பார். ஆனால் இந்த முறை ஆச்சர்யமாக மோடி முழுக்க முழுக்க ஆங்கிலத்தில் பேசினார்.

என்ன காரணம்

மோடி இப்படி ஆங்கிலத்தில் பேசியது ஏன் என்ற கேள்வி எழுந்து இருக்கிறது. பொதுவாக தென்னிந்தியாவில் எங்கு பேசினாலும் மொழிபெயர்ப்பாளர் உதவியுடன் இந்தியில் பேசும் மோடி, இந்த முறை ஆங்கிலத்தில் பேசினார். அந்த ஆங்கில உரையைதான் எச்.ராஜா மொழிபெயர்த்தார் என்பது குறிப்பிடத்தக்கது.