மதுரை பொண்ணு.. யாருமே எதிர்பார்க்கல.. போலீஸுக்கே போயாச்சு.. "அந்த" கோலத்தில் வீடியோ.. சபாஷ் போலீஸ்

மதுரை: மதுரையை சேர்ந்த அந்த இளைஞரை போலீசார் அதிரடியாக கைது செய்திருக்கிறார்கள்.. இவரிடம் சிக்கிய பெண்கள் யார் யார் என்ற விசாரணையும் ஆரம்பிக்கப்பட்டுள்ளது.

நாளுக்கு நாள் நடக்கும் புதுபுது விநோத மோசடிகள் குறித்து போலீசார் எச்சரிக்கை விடுத்தபடியே உள்ளனர்.. அதிலும் கிரைம் போலீஸார், இதுகுறித்து பலமுறை அலர்ட் விடுத்து வருகிறார்கள்.

பிரபல நடிகை: பிரபல நடிகைகளின் முகத்தை மார்பிங் செய்வது, லிங்க்குகளை அனுப்ப சொல்லி, அப்பாவி மக்களின் வங்க கணக்கில் உள்ள பணத்தை அபேஸ் செய்வது, என மோசடிகள் நடக்கின்றன.

அதேபோல, காதல் என்ற பெயரில் இளம்பெண்களை தங்கள் வலையில் வீழ்த்தி, அவர்களின் ஆபாச போட்டோக்களை வைத்து, பணம் பறிக்கும் அபாயங்களும் நடந்து வருகின்றன.

பெரும்பாலும், இதுபோன்ற மோசடிகளில் பாதிக்கப்படுவது பெண்களாகவே இருப்பதால், அவமானம் கருதி பலரும் புகார் தருவதில்லை.. ஒரு சில பெண்கள் மட்டுமே தைரியமாக வெளியே வந்து போலீஸில் புகார் தருகிறார்கள்.. அப்படித்தான் ஒரு இளம்பெண் துணிந்து, போலீசுக்கு சென்றிருக்கிறார்.

அந்த இளம்பெண் மதுரை ஆழ்வார்புரம் பகுதியை சேர்ந்தவர்.. தன்னுடைய வீட்டு அருகிலேயே வசித்து வரும் அருண்குமார் என்ற இளைஞருடன் இன்ஸ்டாகிராம் மூலம் பழகி வந்துள்ளார்..

வீடியோ கால் : ஒருநாள், இளம்பெண்ணை காதலிப்பதாக அருண்குமார் ஆசை வார்த்தைகள் சொல்லவும், அவரது பேச்சில் இளம்பெண்ணும் விழுந்துள்ளார்.. அருண்குமாரை இளம்பெண் உருகி உருகி காதலித்தார்.. ஒருகட்டத்தில் வீடியோ கால் மூலமாகவும் அடிக்கடி பேசி வந்துள்ளனர்..

எப்போதெல்லாம் வீடியோ காலில் பேசுகிறார்களோ, அப்போதெல்லாம் நிர்வாணமாக, அந்த பெண்ணை பேச சொல்லி அருண்குமார் கட்டாயப்படுத்துவாராம்.. தன்னை திருமணம் செய்து கொள்ள போகிறவர்தானே என்ற எண்ணத்தில், இளம்பெண்ணும், அடிக்கடி நிர்வாணமாக வீடியோ காலில் அருண்குமாரிடம் பேசியதாக தெரிகிறது.

கருத்து வேறுபாடு: நாளடைவில், 2 பேருக்கும் பல விஷயங்களில் கருத்து வேறுபாடுகள் ஆரம்பமாயின.. அருண்குமாரின் நடவடிக்கைகள் சரியில்லாததால், அதுகுறித்து, இளம்பெண் கேள்வி கேட்டுள்ளார்.. இது அருண்குமாருக்கு ஆத்திரத்தை ஏற்படுத்திய நிலையில், இளம்பெண்ணுக்கு மிரட்டல் விடுக்க ஆரம்பித்திருக்கிறார்.

இதுவரை வீடியோ காலில் பேசப்பட்ட, அத்தனை நிர்வாண வீடியோக்களும் ரிக்கார்ட் செய்யப்பட்டிருப்பதாக கூறி, அந்த வீடியோக்களை இளம்பெண்ணுக்கும் போட்டி காட்டி மிரட்டினாராம் அருண்குமார்.

தன்னுடைய நிர்வாண வீடியோக்களை பார்த்து அதிர்ச்சியடைந்த பெண், இது தொடர்பாக மதுரை சைபர் கிரைம் போலீஸில் புகார் அளித்தார்... அந்த புகாரின்பேரில் வழக்கு பதிவு செய்த போலீசார், விசாரணை மேற்கொண்டனர்.

விசாரணை: இறுதியில், அருண்குமாரின் லீலைகள் தெரியவந்ததையடுத்து, அவரை கைது செய்துள்ளார்.. இன்னும் எத்தனை பெண்களை இதுபோல ஏமாற்றி மோசடி செய்து மிரட்டினார் என்ற விசாரணையையும் போலீசார் துவக்கியிருக்கிறார்கள்.

English summary

Who is this Madurai Young girl and why did she complaint against her Instagram Boyfriend with Videos