மகாராஷ்டிரா:பாஜக அணி 178-200; காங்கிரஸ் அணி 82-102 இடங்களில் வெல்லும்: Axis My India எக்ஸிட் போல்

Updated: Thursday, November 21, 2024, 19:30 [IST]

Subscribe to Oneindia Tamil

மும்பை: மகாராஷ்டிரா சட்டசபை தேர்தலில் பாஜக தலைமையிலான மகாயுதி கூட்டணியே பெரும்பான்மைக்கும் அதிகமான இடங்களைக் கைப்பற்றி மீண்டும் ஆட்சி அமைக்கும் என்கிறது Axis My India எக்ஸிட் போல் முடிவுகள். மொத்தம் உள்ள 288-ல் 178 முதல் 200 இடங்களை பாஜக தலைமையிலான மகாயுதி கூட்டணியும் காங்கிரஸ் தலைமையிலான மகா விகாஸ் அகாடி அணி 82 முதல் 102 இடங்களையும் கைப்பற்றும் என்கிறது Axis My India எக்ஸிட் போல் முடிவுகள்.

மகாராஷ்டிரா சட்டசபை தேர்தல் 288 தொகுதிகளுக்கும் ஒரே கட்டமாக நேற்று நடைபெற்றது. இதனையடுத்து நேற்று இரவு முதல் எக்ஸிட் போல் முடிவுகள் எனப்படும் தேர்தலுக்கு பிந்தைய கருத்து கணிப்பு முடிவுகள் வெளியிடப்பட்டு வருகின்றன.

exit poll 2024 maharashtra exit polls 2024

மகாராஷ்டிரா தொடர்பான பெரும்பாலான எக்ஸிட் போல் முடிவுகள் மீண்டும் பாஜக கூட்டணி ஆட்சியே அமையும் என தெரிவித்திருக்கின்றன.

இந்த நிலையில் இன்று Axis My India எக்ஸிட் போல் முடிவுகள் வெளியிடப்பட்டன. இந்த கருத்து கணிப்பும் மீண்டும் பாஜக கூட்டணிதான் ஆட்சி அமைக்கும் என தெரிவித்துள்ளது.

Axis My India எக்ஸிட் போல் முடிவுகள்:

பாஜகவின் மகாயுதி கூட்டணி

வெல்லும் வாய்ப்புள்ள இடங்கள்: 178-200 (48% வாக்குகள்)

பாஜக 98 முதல் 107 இடங்கள் (27% வாக்குகள்)
ஷிண்டே சிவசேனா 53 முதல் 58 இடங்கள் (13% வாக்குகள்)
அஜித் பவார் தேசியவாத காங்கிரஸ் 25 முதல் 30 இடங்கள் (7% வாக்குகள்)
இதர கட்சிகள் 2 முதல் 5 இடங்கள் (1% வாக்குகள்)

காங்கிரஸின் மகா விகாஸ் அகாடி கூட்டணி

வெல்லும் வாய்ப்புள்ள இடங்கள்: 82-102 (37% வாக்குகள்)

காங்கிரஸ் 28 முதல் 36 இடங்கள் (13% வாக்குகள்)
உத்தவ் தாக்கரே சிவசேனா 26 முதல் 32 இடங்கள் (12% வாக்குகள்)
சரத் பவார் தேசியவாத காங்கிரஸ் 26 முதல் 30 இடங்கள் (11% வாக்குகள்)
இதர கட்சிகள் 2 முதல் 4 இடங்கள் (1% வாக்குகள்)