மலைபோல மகாராஷ்டிராவை நம்பிய பாஜக.. மண் அள்ளிப் போடுதே Lok Poll கருத்து கணிப்பு!

மும்பை: லோக்சபா தேர்தலில் மகாராஷ்டிராவில் பாஜக கூட்டணியை விட காங்கிரஸை உள்ளடக்கிய "இந்தியா" கூட்டணி அதிகமான இடங்களைக் கைப்பற்றும் என்கிறது Lok Poll கருத்து கணிப்பு.

மகாராஷ்டிராவில் மொத்தம் 48 லோக்சபா தொகுதிகள் உள்ளன. மகாராஷ்டிராவில் 5 கட்டங்களாக வாக்குப் பதிவு நடைபெற உள்ளது. ஏப்ரல் 19, ஏப்ரல் 26, மே 7, மே 13, மே 20 ஆகிய 5 கட்டங்களாக மகாராஷ்டிராவில் தேர்தல் நடைபெற உள்ளது.

மகாராஷ்டிராவில் பாஜக, ஏக்நாத் ஷிண்டே சிவசேனா, அஜித் பவார் தேசியவாத காங்கிரஸ், ராஜ் தாக்கரேவின் மகாராஷ்டிரா நவநிர்மான் சேனா, ராஷ்டிரிய சமாஜ் பக்‌ஷா ஆகிய கட்சிகள் தேசிய ஜனநாயகக் கூட்டணியில் உள்ளன. காங்கிரஸ், உத்தவ் தாக்கரே சிவசேனா, சரத்பவார் தேசியவாத காங்கிரஸ் ஆகியவை "இந்தியா" கூட்டணியில் உள்ளன.

ஓவைசியின் மஜ்லிஸ்ட் கட்சி, பகுஜன் சமாஜ் கட்சி, சிபிஎம், குடியரசு கட்சி (அத்வாலே), குடியரசுக் கட்சி, சிபிஐ, பீம் சேனா உள்ளிட்ட கட்சிகளும் களத்தில் உள்ளன.

மகாராஷ்டிரா லோக்சபா தேர்தல் தொடர்பான பெரும்பாலான கருத்து கணிப்புகள் பாஜக கூட்டணியே அதிக இடங்களைக் கைப்பற்றும் என தெரிவித்திருந்தன.

கருத்து கணிப்புகளின் முடிவுகள்

India TV-CNX

பாஜக அணி 37
"இந்தியா" கூட்டணி 10

ABP News-CVoter

பாஜக அணி 28
இந்தியா கூட்டணி 20

India Today-CVoter

பாஜக அணி 22
இந்தியா கூட்டணி 26

இந்த வரிசையில் Lok Poll நிறுவனம் மகாராஷ்டிரா கள நிலவரம் தொடர்பான கருத்து கணிப்பு முடிவுகளை வெளியிட்டுள்ளன.

Lok Poll கருத்து கணிப்பு

பாஜகவின் தேசிய ஜனநாயகக் கூட்டணி 21 - 24
காங்கிரஸின் இந்தியா கூட்டணி 23 - 26
இதர கட்சிகள் 0 - 1

அதே நேரத்தில் கடந்த தேர்தலை ஒப்பிடுகையில் பாஜக தனிப்பட்ட முறையில் அதிகமான இடங்களைக் கைப்பற்றும். பாஜகவுக்கு 14 முதல் 17 இடங்கள் கிடைக்குமாம். அதே நேரத்தில் ஏக்நாத் ஷிண்டேவின் சிவசேனா, அஜித் பவாரின் தேசியவாத காங்கிரஸ் தங்களது வாக்குகளை பாஜகவுக்கு பெற்றுத் தர முடியாமல் போகிறதாம்.

காங்கிரஸ் கட்சிக்கு 9 முதல் 12 இடங்கள் கிடைக்குமாம். விவசாயிகள் பிரச்சனை தலை தூக்கி நிற்கும் விதர்பா பிராந்தியத்தில் காங்கிரஸ் அமோக வெற்றியை அறுவடை செய்யுமாம். முஸ்லிம்கள், எஸ்சி, எஸ்டி வாக்குகளும் ஆட்சிக்கு எதிரான அதிருப்தியும் மராத்தா இடஒதுக்கீடு விவகாரமும் "இந்தியா" கூட்டணிக்கு சாதகமாக இருக்கிறதாம்.

English summary

According to the Lok Poll Predicted I.N.D.I.A bloc to get 23-26 seats in Maharashtra.