கைதாவதற்கு முன்னர் ஜேம்ஸ் பாண்ட் வேடத்தில் பஞ்ச் பேசிய ராஜ் குந்த்ரா.. ட்ரோல் செய்யும் நெட்டிசன்கள்

மும்பை: நீங்கள் பீரங்கி டேங்கராக இருந்தால் உங்களை யாரும் தடுக்க முடியாது என ஜேம்ஸ் பாண்ட் வேடத்தில் ராஜ் குந்த்ரா கைது செய்யப்படுவதற்கு முன்னர் பதிவிட்ட வீடியோ வைரலாகி வருகிறது. இந்த வீடியோவை வைத்து நெட்டிசன்கள் அவரை கிண்டலடித்து வருகிறார்கள்.

பாலிவுட் நடிகை ஷில்பா ஷெட்டியின் கணவர் ராஜ் குந்த்ரா. இவர் பிரிட்டன் தொழிலதிபர். இவர் வெப் சீரிஸ் தயாரிக்கும் நிறுவனம் வைத்து நடத்தி வருகிறார்.

இவர் ஆபாச படங்களை தயாரித்து குறிப்பிட்ட செயலிகளில் பதிவேற்றம் செய்து காசு சம்பாதித்து வருவதாக கடந்த பிப்ரவரி மாதம் குற்றச்சாட்டு எழுந்தது.

போலீஸார் விசாரணை

இதையடுத்து போலீஸார் நடத்திய விசாரணையில் ஷில்பா ஷெட்டியின் கணவர் ராஜ் குந்த்ராவுக்கு இதில் தொடர்பு இருப்பது தெரியவந்தது. இதையடுத்து நேற்று நள்ளிரவு ராஜ் குந்த்ரா உள்பட 9 பேரை மும்பை குற்றப்பிரிவு போலீஸ் அதிரடியாக கைது செய்தது.

ராஜ்குந்த்ரா கைது

இந்த நிலையில் ராஜ் குந்த்ரா கைது செய்யப்படுவதற்கு முன்னர் இன்ஸ்டாகிராமில் ஒரு வீடியோ பதிவிட்டுள்ளார். ஜேம்ஸ் படத்தின் காட்சிகள் இடம்பெற்றுள்ளன. அதில் ஜேம்ஸ் பாண்டின் முகத்திற்கு பதில் ராஜ் குந்த்ராவின் முகம் வைக்கப்பட்டுள்ளது.

ஹேஷ்டேக்

அவர் கூறுகையில் ஜேம்ஸ் பாண்ட், நீங்கள் பீரங்கி டேங்கராக இருந்தால் உங்களை யாராலும் இன்று தடுத்து நிறுத்த முடியாது என குறிப்பிட்டு அந்த வீடியோவை பதிவிட்டுள்ளார். மேலும் சாலை தடுப்புகள் தற்காலிகமானதுதான். எதுவும் உங்களை தடுக்க முடியாது என்றும் குறிப்பிட்டு #mondaymotivation என்ற ஹேஷ்டேக்கையும் குறிப்பிட்டுள்ளார்.

மோட்டிவேஷனல் ஸ்பீச் கொடுத்த குந்த்ரா

இந்த நிலையில் மோட்டிவேஷனல் ஸ்பீச் கொடுத்த ராஜ் குந்த்ரா, இப்படி திடீரென கைதானதை அடுத்து அவரது வீடியோ டிரோல் செய்யப்படுகிறது. ஜேம்ஸ் பட வீடியோவை பதிவு செய்ததற்காக ராஜ் குந்த்ரா கைது செய்யப்பட்டாரா என்ற கேள்வியை நெட்டிசன்கள் எழுப்பியுள்ளனர்.

English summary

Raj Kundra shared a video a few hours before his arrest. People are trolling him.