9 நிமிடத்தில் 20 கிமீ.. சைரஸ் மிஸ்திரி காரை ஓட்டிய "மர்ம" பெண்.. யார் இந்த அனஹிதா? பரபர பின்னணி

Updated: Monday, September 5, 2022, 17:28 [IST]

Subscribe to Oneindia Tamil

மும்பை: டாடா சன்ஸ் நிறுவனத்தின் முன்னாள் தலைவர் சைரஸ் மிஸ்திரி பலியான நிலையில், இந்த காரை ஓட்டியது யார் என்ற விவரங்கள் வெளியாகி உள்ளன.

டாடா சன்ஸ் நிறுவனத்தின் முன்னாள் தலைவர் சைரஸ் மிஸ்திரி கார் விபத்தில் நேற்று பலியானார். நேற்று குஜராத்தில் இருந்து மும்பைக்கு இவர் காரில் சென்று கொண்டு இருந்த போது விபத்தில் சிக்கினார்.

இவரின் விபத்து பலருக்கும் அதிர்ச்சியை ஏற்படுத்தி உள்ளது. 2012 - 2016 வரை டாடா நிறுவனத்தின் தலைவராக சைரஸ் மிஸ்திரி பணியாற்றி வந்தார்.

கார்

இந்த நிலையில் இந்த காரை ஓட்டியது யார் என்ற விவரங்கள் வெளியாகி உள்ளன. சைரஸ் காரை ஓட்டியது அனஹிதா என்ற பெண். இவர் மும்பையை சேர்ந்த டாக்டர். இவர் 2004ல் பார்சி பிரிவினருக்காக ஒரு இயக்கத்தை தொடங்கினார். அதில் பார்சி பிரிவினரின் மக்கள் தொகை குறைவதை தடுக்கும் வகையில் பல்வேறு ஆலோசனைகளை வழங்கி வந்தார். முக்கியமாக பார்சி பெண்கள் கருத்தரிப்பதற்கான ஆலோசனைகளை அனஹிதா வழங்கி வந்தார்.

என்ன ஆனது?

பார்சி பிரிவினருக்கு இனப்பெருக்க ரீதியாக இலவச சிகிச்சைகளையும் இவர் வழங்கி வந்து இருக்கிறார். இவர் சைரஸ் மிஸ்ட்ரி குடும்பத்திற்கு மிகவும் நெருக்கமானவர். அதேபோல் மருத்துவ துறையில் இவர் பல்வேறு ஆராய்ச்சிகளையும் செய்து வந்தார். முக்கியமாக உடலில் செய்யப்படும் எண்டோஸ்கோபி சோதனை குறித்தும் பல ஆய்வுகளை செய்து வந்தார். தனிப்பட்ட வகையில் மும்பையில் இருக்கும் தேவையில்லாத போஸ்டர்களை நீக்க வேண்டும் என்று இவர் ஒரு பக்கம் போராடி வந்தார்.

யார் இவர்?

இவர் தனது கணவர் டைரியுஸ் பண்டோல் என்பவருடன்தான் அந்த காரில் சென்று கொண்டு இருந்தனர். டைரியுஸ் பண்டோல் இதில் முன் சீட்டில் இருந்தார். மனைவி அனஹிதா காரை ஓட்டிக்கொண்டு இருந்தார். டைரியுஸ் பண்டோலின் அப்பா சமீபத்தில் இறந்துவிட்டார். அவரின் வீட்டில் நடந்த பூஜைக்காக இவர்கள் குஜராத் சென்றனர். குஜராத்தில் இருந்து திரும்பி வரும் போது இந்த விபத்து ஏற்பட்டுள்ளது.

பின்னணி

டைரியுஸ் பண்டோல் இந்த விபத்தில் படுகாயம் அடைந்தார். அனஹிதாவிற்கும் விபத்தில் படுகாயம் ஏற்பட்டுள்ளது. இவருக்கு கை, கால் எலும்புகள் முறிந்து உள்ளன. இவர் சைரஸ் மிஸ்திரி சென்ற கார் Mercedes-Benz GLC SUV கார் ஆகும். கார் மிக வேகமாக சென்ற காரணத்தால் அது விபத்துக்கு உள்ளாகி இருக்கிறது. உதாரணமாக கடைசி 20 கிலோ மீட்டர் தூரத்தை இந்த கார் வெறும் 9 நிமிடத்தில் தாண்டி இருக்கிறது. அந்த அளவிற்கு வேகமாக சென்றது சிசிடிவி காட்சி மூலம் தெரிய வந்துள்ளது. மணிக்கு சுமார் 132 கிலோ மீட்டர் வேகத்தில் கார் சென்றுள்ளது.