"நானும் உங்களை போல ஐஏஎஸ் தான்.." நாகை கலெக்டரை தெறிக்கவிட்ட நாளைய கலெக்டர்! சிறுவனின் கலக்கல் வீடியோ

Updated: Tuesday, March 8, 2022, 17:34 [IST]

Subscribe to Oneindia Tamil

நாகை: நாகையில் நடைபெற்ற பெண்கள் தின நிகழ்ச்சியில் நாகை கலெக்டரிடம் தனது மழலை மொழியில் சிறுவன் ஒருவன் பேசும் வீடியோ இணையத்தில் டிரெண்டிங்கில் உள்ளது.

பெண்கள் தின போட்டிகள்

அதன்படி நேற்றைய தினம், உலக மகளிர் தினத்தை முன்னிட்டு நாகை ஆயுதப்படை மைதானத்தில் மகளிர் தின விளையாட்டுப் போட்டிகள் நடைபெற்றது.இந்த விளையாட்டுப் போட்டிகளை நாகை மாவட்ட ஆட்சியர் அருண் தம்புராஜ் தொடங்கி வைத்தார். நாகை சுற்றுவட்டாரப் பகுதிகளைச் சிறந்த ஏராளமான பெண்கள் இங்கு நடத்தப்பட்ட வாலிபால் உள்ளிட்ட விளையாட்டுப் போட்டிகளில் ஆர்வத்துடன் பங்கேற்றனர்.

நானும் ஐ..ஏ.எஸ் தான்

அப்போது போட்டிகள் தொடங்கும் முன்பு, வரிசையாக நின்று இருந்த போட்டியாளர்களுக்கு நாகை மாவட்ட ஆட்சியர் அருண் தம்புராஜ் வாழ்த்து தெரிவித்து வந்தார். அப்போது தனது தாயுடன் அங்கு நின்று கொண்டிருந்த சிறுவன் கவின்மாறன் கலெக்டரை பார்த்து, வணக்கம் கூறி, நானும் ஐ..ஏ.எஸ் அதிகாரிதான் என்று கூறி மாவட்ட ஆட்சியரைத் தெறிக்க விட்டான்.

தெறிக்கவிட்ட சிறுவன்

இதைக் கண்டு மகிழ்ச்சி அடைந்த ஆட்சியர், "யாருப்பா நீ" என விளையாட்டாகக் கேட்டார். அதற்கு அச்சிறுவன் தனது மழலை குரலில், "நான் கவின்மாறன் IAS" என்று தெரிவித்தார். இதைக் கேட்டதும் மேலும் உற்சாகமடைந்த ஆட்சியர், "ஏன் நீ ஐஏஎஸ் ஆக வேண்டும்" என்று ஆர்வமாகக் கேட்டார். அதற்கு அச்சிறுவன், "நீங்கள் ஐஏஎஸ் அதிகாரி தானே. உங்களைப் போல நானும் ஒரு ஐஏஎஸ் அதிகாரிதான்" என்று சூப்பராக பதில் அளித்தான்.

டிரெண்டிங்

இதனால் அந்த இடமே கலகலப்பானது. இதைக் கண்டு உற்சாகமடைந்த அங்கிருந்த போட்டியாளர்கள், கைதட்டி வாழ்த்து தெரிவித்தனர். மேலும், சிறுவன் கவின்மாறன் குறித்து அவரது தாயாரிடம் கலெக்டர் அருண் தம்புராஜ் கேட்டறிந்தார். பலர் சுற்றி இருந்தும் கூட துளியும் அச்சமின்றி, சிறுவன் கவின்மாறன் ஆட்சியரிடம் பேசும் இந்த வீடியோ இணையத்தில் டிரெண்டிங்கில் உள்ளது.