வேக்சின் போடாதவர்களுக்கு குறி.. உலக நாடுகளை ஆட்டிப்படைக்கும் "டெல்டா".. அமெரிக்காவும் தப்பவில்லை!

நியூயார்க்: உலகம் முழுக்க டெல்டா வகை கொரோனா வைரஸ் தற்போது வேகமாக பரவி வருகிறது. உலக சுகாதார மையம் எச்சரிக்கை விடுத்தது போலவே இந்த வைரஸ் வேகமாக பரவிக்கொண்டு இருக்கிறது.

இதுவரை மக்களிடையே பரவிய கொரோனா வைரஸ் வகைளிலேயே டெல்டா வகை உருமாறிய கொரோனாதான் அதிக வேகமும், ஆபத்தும் கொண்டது என்று உலக சுகாதார மையம் தெரிவித்துள்ளது.

மற்ற ஆல்பா, காமா, பீட்டா வகை கொரோனாவை விட டெல்டா அதிகம் பரவ கூடியது. உலகம் முழுக்க ஆல்பா 170 நாடுகளிலும்., பீட்டா 119 நாடுகளிலும், காமா 71 நாடுகளிலும், டெல்டா 85 நாடுகளிலும் பரவி உள்ளது. டெல்டா 85 நாடுகளில் வேகமாக பரவி உள்ளது என்று உலக சுகாதார மையம் தெரிவித்துள்ளது.

எங்கு

உலகம் முழுக்க தற்போது பல்வேறு நாடுகளில் டெல்டா வகை கொரோனா பரவி வருகிறது. ஈரான், ஈராக், ரஷ்யா, வங்கதேசம், தாய்லாந்து என்று பல்வேறு நாடுகளில் வேகமாக இந்த வைரஸ் பரவி வருகிறது. இந்த நாடுகளில் புதிய அலை கொரோனா தாக்குதல் ஏற்பட டெல்டா வகை கொரோனா வைரஸ்தான் காரணம் என்று ஜீனோம் சோதனையில் கண்டுபிடிக்கப்பட்டுள்ளது.

சோதனை

அதிகமாக 92.4% புதிய கேஸ்கள் இந்தோனேசியாவில் டெல்டா வகை கொரோனா மூலம் ஏற்பட்டுள்ளது. இந்த டெல்டா வகை கொரோனாவான B.1.617.2 வகை முதலில் இந்தியாவில் கண்டறியப்பட்டது. தற்போது 85 நாடுகளுக்கு பரவி உள்ளது. முக்கியமாக இது ஆசிய நாடுகளை அதிகம் பாதிக்கிறது. வங்கதேசத்தில் சராசரி பாதிப்பு ஜூன் 4ல் இருந்த 9.9 ஆக இருந்து ஜூலை 14ல் 49% ஆக உயர்ந்தது. இந்தோனேசியாவில் பாதிப்பு சதவிகிதம் 21ல் இருந்து 88 ஆக உயர்ந்துள்ளது.

தாய்லாந்து

தாய்லாந்தில் பாதிப்பு சதவிகிதம் 51ல் இருந்து 79 ஆக உயர்ந்துள்ளது. மியான்மரில் பாதிப்பு 1.7ல் இருந்து 32.15 ஆக உயர்ந்துள்ளது. ரஷ்யாவில் டெல்டா பரவலால் 61ல் இருந்து பாதிப்பு 153% ஆக உயர்ந்துள்ளது. அதேபோல் மேற்கண்ட நாடுகளில் மரணங்களின் எண்ணிக்கையும் புதிய உச்சத்தை தொட்டு இருக்கிறது. ரஷ்யாவில் 89%, வங்கதேசத்தில் 75.5%, மலேசியாவில் 85.7% புதிய கேஸ்கள் டெல்டா வகையோடு தொடர்பு கொண்டது.

டெல்டா

அமெரிக்காவிலும் புதிய கொரோனா கேஸ்கள் ஏற்பட டெல்டா பரவல் காரணம் ஆகியுள்ளது. அமெரிக்காவில் வேக்சின் பலருக்கும் போடப்பட்ட பின்பும் கூட டெல்டா வகை கொரோனா பரவல் அதிகம் உள்ளது. அமெரிக்காவில் ஏற்படும் புதிய கேஸ்களில் 25% டெல்டா வகை என்று அதிபர் பிடன் தெரிவித்துள்ளார். கலிபோர்னியாவில் டெல்டா வகை மிக வேகமாக பரவி வருகிறது. உலகம் முழுக்க டெல்டா வகை பாதிப்பை ஏற்படுத்தும் நிலையில் இந்தியாவிலும் இது மூன்றாம் அலையை ஏற்படுத்தும் அச்சம் ஏற்பட்டுள்ளது.

அமெரிக்கா

முக்கியமாக ரஷ்யா, வங்கதேசம், தாய்லாந்து, இந்தோனேசியா போன்ற பெரிய அளவில் வேக்சின் போடாத நாடுகளிடம் இந்த டெல்டா வகை அதிகம் பரவுகிறது. இந்தியாவில் 6.45 கோடி மக்கள் மட்டுமே தற்போது வரை 2 டோஸ் வேக்சின் பெற்றுள்ளது. 35 கோடி மக்களுக்கு குறைந்தபட்சம் ஒரு டோஸ் வேக்சினாவது போடப்பட்டுள்ளது. இதனால் இந்தியாவிலும் டெல்டா வகை பாதிப்பு அதிகரிக்கும் வாய்ப்பு உள்ளது.

English summary

Delta is the most contagious, spread so fast among nonvaccinated people in many countries says data.