பப்ஜியில் வருவது போல.. விதவிதமான வாகனங்களில் தாழ்வாக பறந்து வந்த ஹமாஸ் படை.. அரண்டு போன இஸ்ரேல்

ஜெருசலேம்: இஸ்ரேல் - பாலஸ்தீன போர் உச்சம் அடைந்து உள்ள நிலையில் ஹமாஸ் படைகள் இஸ்ரேல் உள்ளே ஊடுருவியது எப்படி என்பது போன்ற சில காட்சிகள் வெளியாகி உள்ளன.

பொதுவாக இஸ்ரேல் உள்ளே வான் வழியாக ராக்கெட்டுகளை விடுவது என்பதோ அல்லது நிலபரப்பு வழியாக ஊடுருவது என்பதோ இயலாத காரியம். காரணம்.. இஸ்ரேலின் எல்லை பாதுகாப்பு அப்படி. ஹமாஸ் தாக்குதல்களில் இருந்து எல்லையைப் பாதுகாப்பதற்காக இஸ்ரேல் பில்லியன் கணக்கான டாலர்களை செலவிட்டுள்ளது.

இரண்டு விதமான பாதுகாப்பை அந்த நாடு மேற்கொண்டு உள்ளது. ஒன்று இது காஸாவிற்குள் இருந்து இஸ்ரேலுக்குள் ஏவப்படும் எந்த ஆயுதங்களை தடுத்து தாக்கும் வகையில் ராக்கெட் தடுப்பு சாதனங்களை கட்டி உள்ளது. ராக்கெட் தாக்குதல்களை நிறுத்த, அமெரிக்காவின் உதவியுடன் உருவாக்கப்பட்ட அயர்ன் டோமை இங்கே இஸ்ரேல் அதிக அளவில் களமிறக்கி உள்ளது . இன்னொரு பக்கம் சுரங்கப்பாதைகளைப் பயன்படுத்தி எல்லையை கடக்க முயற்சிக்கும் பயங்கரவாதிகளை தடுக்கவும் சுரங்க பாதைகளை கண்காணிக்கும் வகைகள் படைகள் களமிறக்கப்பட்டு உள்ளது.

ஹமாஸ் தாக்குதல்; இதை எல்லாம் மீறித்தான் கடந்த சனிக்கிழமை இஸ்ரேல் மீது ஹமாஸ் தாக்குதல் நடத்தியது. சனிக்கிழமையன்று அந்த அமைப்புகள் எங்கு தோல்வியடைந்தன என்பதை இஸ்ரேலிய அதிகாரிகள் நிச்சயமாக சோதனை செய்து பார்க்க வேண்டும். இதுவரை அயர்ன் டோம்.. இந்த ஏவுகணைகளை கண்டுபிடிக்க முடியாமல் போனது ஏன் என்று தெரியவில்லை.

சனிக்கிழமை காலை நிலவரப்படி, ஹமாஸ் 2,200 ராக்கெட்டுகளை வீசியதாக இஸ்ரேல் கூறியது, ஆனால் அவற்றில் எத்தனை இடைமறிக்கப்பட்டன என்பது குறித்த புள்ளிவிவரங்களை வெளியிடவில்லை. இதற்கு பின்பு வேறு ஒரு எளிமையான ஊடுருவல் முறை இருக்கலாம் என்றும் கூறப்படுகிறது. அதன்படி பாரசூட் வழியாக தாழ்வாக உள்ளே நுழைந்து இருக்கலாம் என்று கூறப்படுகிறது.

பப்ஜியில் வருவது போல ஹமாஸ் படைகள் தாழ்வாக பாராசூட் வழியாக உள்ளே சென்றதாக கூறப்படுகிறது. இது போக தாக்குதலின் தொடக்கத்தில் இஸ்ரேலுக்குள் பாராகிளைடு மூலம் ஹமாஸ் உறுப்பினர்கள் உள்ளே நுழைந்து இருக்கலாம் என்றும் கூறப்படுகிறது. இதற்கான படமும் வெளியாகி உள்ளது. அங்கே மக்கள் அதிகம் உள்ள இடங்களில் இவர்கள் பாராகிளைட் செய்து உள்ளே சென்றுள்ளனர்.

இது தாழ்வாக பறக்கும் எந்திரம் ஆகும். இதன் மூலம் சத்தமின்றி பறந்து செல்ல முடியும். அதேபோல் இவை ரேடாரில் சிக்காது. மிக தாழ்வாக பறந்து ஒரு இடத்தில் இருந்து இன்னொரு இடத்திற்கு செல்ல முடியும். பப்ஜியில் வருவது போல ஹமாஸ் படைகள் தாழ்வாக பாராசூட் அல்லது பாராகிளைட் மூலமாக இப்படி பறந்துள்ளதாக கூறப்படுகிறது.

இன்னொரு பக்கம் அங்கே எல்லை பாதுகாப்பு அயர்ன் டோம் ஏன் அதன் வேலையைச் செய்யவில்லை என்பது குறித்து அதிகாரிகள் கருத்து தெரிவிக்கவில்லை. ஒரு பக்கம் அயர்ன் டோம் உள்ளிட்ட கருவிகள் வேலையை செய்யவில்லை.. இன்னொரு பக்கம் அவர்களின் உளவுத்துறையும் இப்படி ஒரு பெரிய தாக்குதலை கணிக்க முடியாமல் ஏமாந்து உள்ளது. தொழில்நுட்ப ரீதியாக.. உளவு ரீதியாக மிகப்பெரிய இஸ்ரேல் நாட்டை சிறிய அமைப்பான ஹமாஸ் ஏமாற்றி வெற்றி கண்டுள்ளது என்றுதான் கூற வேண்டும்.

English summary

Did Gaza Hamas use a glider to enter Israel and use Parachute to fly inside?