இப்போது நடப்பதை மட்டும் பாருங்க.. டிரம்ப்பிற்கு சூசகமாக பதிலடி கொடுத்த மோடி.. முரட்டு சம்பவம்!
நியூயார்க்: பிரதமர் நரேந்திர மோடி, ரஷ்ய அதிபர் விளாடிமிர் புடின் மற்றும் சீன அதிபர் ஷி ஜின்பிங் ஆகியோர் ஸ்கோ மாநாட்டில் கைகுலுக்கி சிரிக்கும் புகைப்படம் வெளியாகி, சர்வதேச புவிசார் அரசியலில் அதிர்வலைகளை ஏற்படுத்தி உள்ளது.
அமெரிக்க அதிபர் டொனால்ட் டிரம்ப் இந்தியப் பொருட்களின் மீது விதித்த வரிகள் காரணமாக, நடப்பு நிதியாண்டின் முதல் காலாண்டில் இந்தியாவின் மொத்த உள்நாட்டு உற்பத்தி (ஜிடிபி) 7.8% வளர்ச்சி அடைந்துள்ளது எனப் பிரதமர் நரேந்திர மோடி செவ்வாய்க்கிழமை தெரிவித்தார். பொருளாதார சுயநலத்தால் ஏற்பட்ட சவால்களுக்கு மத்தியில் இந்த வளர்ச்சி ஏற்பட்டுள்ளது என்பதையும் அவர் சுட்டிக்காட்டினார்.
இந்தியப் பொருளாதாரம்
டெல்லியில் நடைபெற்ற செமிகான் இந்தியா மாநாட்டில் பேசிய பிரதமர் மோடி, இந்தியப் பொருளாதாரம் "எல்லா எதிர்பார்ப்புகளையும், மதிப்பீடுகளையும், கணிப்புகளையும் விஞ்சி சிறப்பாக செயல்பட்டுள்ளது" என்று குறிப்பிட்டார். அவர் சீனா மற்றும் ஜப்பான் நாடுகளுக்கான பயணத்தை முடித்து வந்த மறுநாள் இந்த மாநாட்டில் உரையாற்றினார்.
உலக நாடுகள் பொருளாதார சுயநலத்தால் பல்வேறு சவால்களையும் கவலைகளையும் சந்திக்கும் வேளையில், இந்தியா 7.8% வளர்ச்சியை எட்டியுள்ளது என்று பிரதமர் இந்தியில் தெரிவித்தார். இந்தியாவின் குறைக்கடத்திப் பயணத்தில் ஒரு புதிய அத்தியாயம் உருவாகி வருவதாகக் குறிப்பிட்ட அவர், புதுமைகளும் முதலீடுகளும் இந்த வளர்ச்சிக்கு உந்துசக்தியாக அமைகின்றன என்றும் தனது எக்ஸ் தளத்தில் பதிவிட்டார்.
இந்தியாவின் ஜிடிபி 7.8%
இந்தியாவின் ஜிடிபி 6.5% ஆக இருக்கும் என மதிப்பிடப்பட்டிருந்த நிலையில், 7.8% ஆக உயர்ந்துள்ளது. இது கடந்த ஆண்டு இதே காலகட்டத்தைக் காட்டிலும் 1.3 சதவீத புள்ளிகள் அதிகமாகும். கடந்த நிதியாண்டில் ஏப்ரல்-ஜூன் காலாண்டில் ஜிடிபி 6.5% ஆக இருந்தது. 2025-2026 ஆம் ஆண்டின் இதே மூன்று மாத காலத்தில் ஏற்பட்ட வளர்ச்சி, கடந்த ஐந்து காலாண்டுகளில் இல்லாத அதிகபட்ச வளர்ச்சியாகும். இதற்கு முன்னர் 2024 ஆம் ஆண்டின் ஜனவரி-மார்ச் காலாண்டில் 8.4% ஜிடிபி வளர்ச்சி எட்டப்பட்டது.
உற்பத்தி, சேவைகள், விவசாயம், கட்டுமானம் என அனைத்து துறைகளிலும் இந்த வளர்ச்சி தெளிவாக தெரிகிறது; எங்கும் உற்சாகம் நிரம்பி வழிகிறது என பிரதமர் மோடி கூறினார். இந்த வளர்ச்சிப் பாதை இந்தியாவை உலகின் மூன்றாவது பெரிய பொருளாதாரமாக விரைவாக மாற்றுகிறது என்றும், இந்தியாவின் "செத்த பொருளாதாரம்" என்ற டிரம்ப்பின் விமர்சனத்திற்கு பதிலடியாக இது அமைந்துள்ளது என்றும் அவர் தெரிவித்தார்.
மோடி டிரம்ப்
உலகம் "இந்தியாவில் வடிவமைக்கப்பட்டது, இந்தியாவில் தயாரிக்கப்பட்டது, உலகத்தால் நம்பப்படுவது" என்று சொல்லும் நாள் வெகு தொலைவில் இல்லை என்று பிரதமர் மோடி நம்பிக்கை தெரிவித்தார். டிரம்ப் இந்தியா மீது கூடுதல் வரி மற்றும் அபராதம் விதித்துள்ள நிலையில் அமெரிக்காவை விமர்சனம் செய்யும் விதமாக மோடி இப்படி பேசி இருப்பதாக கூறப்படுகிறது.
டொனால்ட் டிரம்ப் கடந்த மாதம் இந்தியப் பொருட்களுக்கு 25% பரஸ்பர வரியையும், ரஷ்ய எண்ணெயை வாங்கியதற்காக கூடுதல் 25% அபராத வரியையும் விதித்தார். ஜனவரியில் மீண்டும் ஆட்சிக்கு வந்த டிரம்ப், ரஷ்ய எண்ணெயை வாங்குவதன் மூலம் மாஸ்கோ உக்ரைன் மீது நடத்தும் தாக்குதல்களுக்கு இந்தியா எரிபொருளாக செயல்படுகிறது என்று குற்றம் சாட்டியுள்ளார்.
Click it and Unblock the Notifications
Sign in with Google