“இருங்க அவர்கிட்ட கேட்டுச் சொல்றேன்”.. லைவ்வில் உளறிய பெண் நிருபர்.. கலாய்க்கும் நெட்டிசன்கள்!

அமெரிக்க பெண் நிருபர் ஒருவரின் வீடியோ இணையத்தில் வைரலாகியுள்ளது.

நியூயார்க்: இறந்து போனவரிடம் கருத்து கேட்ட அமெரிக்க நிருபர் ஒருவரை நெட்டிசன்கள் கேலி செய்து வருகின்றனர்.

அமெரிக்காவின் பிரபல தொலைக்காட்சி ஒன்றில் நிருபராக பணியாற்றி வருபவர் சாரா வெச். இவர் கடந்த சில தினங்களுக்கு முன்னர், ஒரு மரண செய்தி தொடர்பாக நேரலையில் பேசினார்.

போலீசார் துரத்தி சென்றதில் ஒரு விபத்து ஏற்பட்டு ஒருவர் இறந்துவிட்டார் என்பது தான் செய்தி. இதுகுறித்து நேரலையில் பேசிய சாரா, 'என்ன நடந்தது என்பது குறித்து அறிந்துகொள்ள இறந்து போன நபரை தொடர்பு கொள்ள முயற்சித்ததாகவும், ஆனால் அவரை தொடர்பு கொள்ள முடியவில்லை' எனவும் கூறினார்.

When I say I nearly passed out from laughing... pic.twitter.com/TJgpLocqrL

— Yashar Ali 🐘 (@yashar) September 16, 2019

இந்த வீடியோவை ஒருவர் தனது டிவிட்டர் பக்கத்தில் பதிவிட்டு, சாராவை கிண்டல் செய்தார். இதை பார்த்த நெட்டிசன்கள் சாராவை மரண கலாய், கலாய்க்க ஆரம்பித்துவிட்டனர். சாராவை வைத்து மீம்ஸ், ஜோக்ஸ் எல்லாம் வைரலாகி வருகிறது. ஆனால் இதுகுறித்து சாரா எந்த விளக்கமும் அளிக்கவில்லை என்பது குறிப்பிடத்தக்கது.

சமீபகாலமாக தமிழிலும் கூட நேரலையில் செய்தியாளரிடம் கேள்விகள் கேட்பது அதிகரித்து வருகிறது. பெரும்பாலும் சம்பந்தப்பட்டவர்களிடம் இது குறித்து விளக்கம் கேட்டு சொல்வதாக அப்போது செய்தியாளர்கள் கூறுவதுண்டு. அதேபோல் தான் வாய் தவறி சாராவும் அப்படிக் கூறி விட்டார். ஆனால், அவரது தவறை வைத்து நெட்டிசன்கள் கலாய்த்து வருகின்றனர்.

English summary

A old video of an American news reporter saying she contacted a dead man for a comment, goes viral in social medias. She is being trolled by the netizens, through jokes, memes and so on.