இது பிரதமர் மோடிக்கு கிடைத்த வெற்றி என்கிறார் அனுமான் சிராக் பஸ்வான்

பீகார் தேர்தல் வெற்றி பிரதமர் மோடிக்கு கிடைத்த வெற்றி என்று எல்ஜேபி கட்சியின் தலைவர் சிராக் பஸ்வான் கூறியுள்ளார்.

பாட்னா: பிரதமர் மோடியின் 'அனுமன்' என்று தன்னை அழைத்துக் கொண்ட எல்.ஜே.பியின் சிராக் பாஸ்வான், பீகார் தேர்தல் முடிவு பிரதமர் மோடியின் வெற்றி என்று கூறியுள்ளார். எல்.ஜே.பி அதிகாரத்திற்காக வளைந்து கொடுக்கவில்லை என்பதில் பெருமிதம் கொள்கிறேன் என்றும் பதிவிட்டுள்ளார்.

பீகார் சட்டசபை தேர்தலில் 5.70% வாக்குகள் பெற்ற சிராக் பாஸ்வானின் லோக் ஜனசக்தி கட்சி ஒரே ஒரு தொகுதியில் மட்டும் வெற்றி பெற்றுள்ளது. வேறு எந்த ஒரு தொகுதியிலும் அந்த கட்சி முன்னிலை வகிக்கவில்லை. பீகார் தேர்தலில் லோக் ஜனசக்தி கட்சி மிகவும் வலிமையான கட்சியாக இல்லைதான் என்ற போதும் தீர்மானிக்கும் சக்தியாகத்தான் இருந்து வருகிறது.

பாஜகவுடன் கூட்டணி வைத்துக் கொண்டு அதே பாஜகவின் கூட்டணி கட்சியான ஜேடியூவை ஒழித்துக் கட்ட உதவிக்கரம் நீட்டியவர் சிராக் பாஸ்வான். ஜேடியூவுக்கு எதிராக மட்டுமே வேட்பாளர்களை நிறுத்தியது லோக் ஜனசக்தி. இதனால் ஜேடியூ கட்சியின் வெற்றி பல தொகுதிகளில் பாதிக்கப்பட்டுவிட்டது என்பதை தேர்தல் முடிவுகள் வெளிப்படுத்தி இருக்கின்றன.

இந்த தேர்தலில் மொத்தம் 5.70% வாக்குகளை எல்ஜேபி பெற்று ஒரே ஒரு இடத்தில்தான் வெற்றி பெற்றிருக்கிறது. இந்த வெற்றி பற்றி ட்விட்டரில் பதிவிட்டுள்ளார் சிராக் பஸ்வான்.

எல்.ஜே.பி அதிகாரத்திற்காக வளைந்து கொடுக்கவில்லை என்பதில் பெருமிதம் கொள்கிறேன், எங்கள் வாக்கு வங்கி அதிகரித்துள்ளது, இது எதிர்காலத்தில் எங்களுக்கு பயனளிக்கும் என்று பதிவிட்டுள்ளார் சிராக் பஸ்வான். எல்.ஜே.பி வேட்பாளர்கள் அனைவரும் எந்தவொரு கூட்டணியும் இல்லாமல் தேர்தலில் போட்டியிட்டனர். ஒவ்வொரு மாவட்டத்திலும் கட்சி வலுவடைந்துள்ளது என்றும் குறிப்பிட்டுள்ளார்.

பீகார் மக்கள் மோடி ஜி மீது நம்பிக்கை வைத்துள்ளனர். இதன் விளைவாக மக்கள் பாஜகவைப் பற்றி ஆர்வமாக உள்ளனர் என்பதை தெளிவாகக் காட்டுகிறது. இது பிரதமர் மோடியின் வெற்றி அவருக்கு கிடைத்த கவுரவம் என்றும் அவர் ட்வீட் செய்துள்ளார்.

பிரதமர் மோடியின் 'அனுமன்' என்று தன்னை அழைத்துக் கொண்ட எல்ஜேபியின் சிராக் பாஸ்வான், இந்த தேர்தலில் தனித்து போட்டியிட்டு ஜேடியுவின் வாக்குகளை பிரித்ததோடு இப்போது மோடிக்கு ஆதரவாக ட்விட்டரில் பதிவிட்டுள்ளார்.

English summary

LJP's Chirag Paswan said that the Bihar election result is the victory of PM Modi.People of Bihar have reposed their faith in Modi ji. The result shows clearly that people are enthused about the BJP he tweeted.