ஓவைசிக்கு 4 சீட் கன்பார்ம்! சீமாஞ்சலில் எடுபடாத M+Y பார்முலா! மொத்தமாய் ஏமாந்த தேஜஸ்வி யாதவ்

Updated: Friday, November 14, 2025, 18:24 [IST]

Subscribe to Oneindia Tamil

பாட்னா: பீகாரில் இஸ்லாமியர்கள் அதிகம் வசிக்கும் பகுதியைதான் சீமாஞ்சல் என்று சொல்லப்படுகிறது. 4 மாவட்டங்களில் உள்ள 24 தொகுதிகள் இதில் வருகின்றன. கடந்த முறை இங்கு பாஜக கூட்டணிதான் அதிக இடங்களை வென்றது. காரணம் ஓவைசி தனியாக போட்டியிட்டதுதான். இந்த முறையும் பாஜக பக்கமும் சாயாமல், ராஷ்ட்ரிய ஜனதா தளம் பக்கமும் சாயாமல் தனியாக ஓவைசி கட்சி போட்டியிட்டிருந்தது.

பீகாரை பொறுத்தவரை ராஷ்ட்ரிய ஜனதா தளம் கட்சிக்கு பெரிய பிளஸ் பாயிண்ட் இருக்கிறது. இதை M+Y என்று சொல்லலாம். அதாவது இஸ்லாமிய வாக்காளர்கள்+யாதவ் வாக்காளர்கள்தான் இந்த கட்சியின் பலம். இந்த பலத்தை பிரிக்கவே ஓவைசி களமிறக்கப்பட்டிருப்பதாக பேசப்படுகிறது.

Bihar Election 2025 2025 Bihar Election Results 2025 2025

அராரியா
பூர்ணியா
கதிஹார்
கிஷன்ஞ்ச்

இந்த 4 மாவட்டங்கள்தான் சீமாஞ்சல் பகுதியாக சொல்லப்படுகிறது. இந்த மாவட்டங்களில் மொத்தம் 24 சட்டமன்ற தொகுதிகள் இருக்கின்றன. தொகுதிவாரியாக வெற்றி மற்றும் முன்னிலை விவரங்களை பொறுத்தவரை,

பகதூர்கஞ்ச் - ஓவைசியின் AIMIM வேட்பாளர் வெற்றி - வாக்கு வித்தியாசம் 28,726
தாக்கூர்கஞ்ச் - ஜேடியு வேட்பாளர் வெற்றி - வாக்கு வித்தியாசம் 8,822
கிஷன்ஞ்ச் - காங்கிரஸ் வேட்பாளர் வெற்றி - வாக்கு வித்தியாசம் 12,794
கோச்சாதாமன் - ஓவைசியின் AIMIM வேட்பாளர் வெற்றி - வாக்கு வித்தியாசம் 23,021
அமௌர் - ஓவைசியின் AIMIM வேட்பாளர் வெற்றி - வாக்கு வித்தியாசம் 38,928
பைசி - ஓவைசியின் AIMIM வேட்பாளர் முன்னிலை - வாக்கு வித்தியாசம் 23,257
கஸ்பா - ராம் விலாஸ் பஸ்வானின் LJPRV கட்சி வேட்பாளர் முன்னிலை - வாக்கு வித்தியாசம் 12,220
பன்மன்கி - பாஜக வேட்பாளர் முன்னிலை - வாக்கு வித்தியாசம் 45,296
ரூபௌலி - ஜேடியு வேட்பாளர் முன்னிலை - வாக்கு வித்தியாசம் 66,724
தாம்டாஹா - ஜேடியு வேட்பாளர் முன்னிலை - வாக்கு வித்தியாசம் 44,896
பூர்ணியா - பாஜக வேட்பாளர் வெற்றி - வாக்கு வித்தியாசம் 33,222
அராரியா - காங்கிரஸ் வேட்பாளர் முன்னிலை - வாக்கு வித்தியாசம் 10,697
ஜோகிஹாட் - ஓவைசியின் AIMIM வேட்பாளர் வெற்றி - வாக்கு வித்தியாசம் 28,803
சிக்தி - பாஜக வேட்பாளர் வெற்றி - வாக்கு வித்தியாசம் 19,322
ஃபார்விஸ்கஞ்ச் - காங்கிரஸ் வேட்பாளர் முன்னிலை - வாக்கு வித்தியாசம் 221
கதிஹார் - பாஜக வேட்பாளர் வெற்றி - வாக்கு வித்தியாசம் 22,154
கட்வா - ஜேடியு வேட்பாளர் முன்னிலை - வாக்கு வித்தியாசம் - 18,368
பல்ராம்பூர் - LJPRV கட்சி வேட்பாளர் முன்னிலை - வாக்கு வித்தியாசம் - 791
பிரான்பூர் - பாஜக வேட்பாளர் முன்னிலை - வாக்கு வித்தியாசம் - 10,547
கோர்ஹா - பாஜக வேட்பாளர் வெற்றி - வாக்கு வித்தியாசம் - 22,257

இந்த தொகுதிகளில் கடந்த 2020ம் ஆண்டு பாஜக தலைமையிலான கூட்டிணி 12 தொகுதிகளிலும், ராஷ்டிரிய ஜனதா தளம் தலைமையிலான கூட்டணி 7 தொகுதிகளிலும், ஓவைசியின் கட்சி 5 தொகுதிகளிலும் வெற்றி பெற்றிருக்கிறது. ஒருவேளை ஓவைசி ராஷ்டிரிய ஜனதா தளம் தலைமையிலான கூட்டணியில் இணைந்திருந்தால், கூட்டணிக்கு அதிக தொகுதிகள் கிடைத்திருக்கும். ஆனால் இதை தடுத்தது ஓவைசிதான். அந்த வகையில் இந்த முறையும், தனி கூட்டணியில் ஓவைசி கட்சி போட்டியிடுகிறது.

சந்திரசேகர் ஆசாத்தின் ஆசாத் சமாஜ் கட்சி, சுவாமி பிரசாத் மௌரியாவின் அப்னா ஜனதா கட்சி ஆகிவற்றுடன் கிராண்ட் டெமாக்ரடிக் கூட்டணி என்கிற பெயரில் கூட்டணி அமைத்திருக்கும் ஒவைசி கட்சி, இந்த முறையும் வாக்குகளை பிரித்திருக்கிறது.