50 கோடி கடன்.. நடிகர் ஆனந்தராஜ் தம்பி விஷம் குடித்து தற்கொலை

புதுச்சேரி: புதுச்சேரியில் பல கோடி ரூபாய் கடன் தொல்லையால் நடிகர் ஆனந்தராஜின் தம்பி விஷம் அருந்தி தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.

புதுச்சேரி கோவிந்தசாலை திருமுடிநகரை சேர்ந்தவர் கனகசபை (55). இவர் பிரபல திரைப்பட நடிகர் ஆனந்தராஜின் இளைய சகோதரர் ஆவார். இவருக்கு திருமணம் ஆகவில்லை.

இதனிடையே இவர் அரசியல் பிரமுகர்கள், தொழிலதிபர்களிடம் உள்ளிட்ட பலரிடம் ஏலசீட்டு நடத்தி வந்துள்ளார். இந்நிலையில் இன்று கனகசபை வீட்டு படுக்கை அறையில் விஷம் அருந்தி, தற்கொலை செய்து கொண்டார். இது குறித்து தகவல் அறிந்தவுடன் பெரியகடை போலீசார் கனகசபையின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் தற்கொலை செய்வதற்கு முன்பு அவர் எழுதிய கடிதம் ஒன்றையும் போலீசார் கைப்பற்றியுள்ளனர்.

போலீசார் நடத்திய முதற்கட்ட விசாரணையில், கனகசபை ஏலச்சீட்டு நடத்தி வந்ததும், அதில் 50 கோடிக்கு மேல் நஷ்டம் ஏற்பட்டுள்ளது. மேலும் சீட்டு கட்டியவர்கள் தொடர்ந்து பணம் கேட்டு கனகசபைக்கு நெருக்கடி கொடுத்துள்ளனர். இதனால் மனமுடைந்த கனகசபை விஷம் அருந்தி தற்கொலை செய்து கொண்டதும் தெரிய வந்துள்ளது.

மேலும் கனக சபை எழுதி வைத்துள்ள கடிதத்தில் புதுச்சேரியில் முக்கிய அரசியல் கட்சிகளின் சட்டமன்ற உறுப்பினர்களின் பெயர்களும் இருப்பதாக கூறப்படுகிறது. தொடர்ந்து இதுகுறித்து பெரியகடை போலீசார் விசாரணை நடத்தி வருகின்றனர்.

இதேபோல் கடந்த சில வருடங்களுக்கு முன்பு நடிகர் ஆனந்தராஜின் மற்றொரு தம்பி அதே பகுதியில் ஏலச்சீட்டு நடத்தி, சீட்டு கட்டியவர்களுக்கு பணம் கொடுக்காமல் ஏமாற்றிவிட்டு சென்றது குறிப்பிடத்தக்கது.

English summary

Actor Anandraj's brother has committed suicide in Puducherry.