தவெகவின் விசிலுக்கு ஓட்டு.. வாக்களித்ததை வீடியோ எடுத்து வம்பில் சிக்கிய விஜய் ரசிகர்.. போச்சே

புதுச்சேரி: புதுச்சேரி சட்டசபை தேர்தல் அமைதியாக இன்று நடந்து முடிந்தது. இந்நிலையில் தான் விஜயின் தவெகவை சேர்ந்த ஒருவர் வாக்குச்சாவடிக்குள் செல்போனை எடுத்து சென்று விசில் சின்னத்துக்கு ஓட்டுப்போட்டடதை வீடியோவாக எடுத்து சமூக வலைதளங்களில் பதிவிட்டு சிக்கலில் சிக்கி உள்ள நிலையில் அவர் மீது சட்டச நடவடிக்கை எடுக்கப்பட உள்ளதாக தேர்தல் அதிகாரி குலோத்துங்கன் தெரிவித்துள்ளது.

புதுச்சேரியில் மொத்தம் 30 சட்டசபை தொகுதிகள் உள்ளன. இங்கு ஒரே கட்டமாக இன்று ஓட்டுப்பதிவு நடந்தது. காலை 7 மணிக்கு ஓட்டுப்பதிவு தொடங்கியது. பொதுமக்கள் கூட்டம் கூட்டமாக வந்து வாக்களித்தனர். மாலை 6 மணிக்கு ஓட்டுப்பதிவு முடிவடைந்தது.

மாலை 6 மணி நிலவரப்படி புதுச்சேரியில் மொத்தம் 89.2 சதவீத வாக்குகள் பதிவாகி உள்ளது. கடந்த 2021 சட்டசபை தேர்தலில் 83.4 சதவீத வாக்குகள் பதிவான நிலையில் இந்த முறை கூடுதலாக ஓட்டுகள் பதிவாகி உள்ளது. SIR எனும் வாக்காளர் பட்டியல் சிறப்பு தீவிர திருத்த நடவடிக்கையால் கடந்த முறையை விட அதிகளவில் ஓட்டுகள் பதிவாகி உள்ளது.

விசிலுக்கு ஓட்டு போட்ட வீடியோ

இந்நிலையில் தான் தற்போது தவெகவை சேர்ந்த ஒருவர் வம்பில் சிக்கி உள்ளார். அதாவது வாக்குச்சாவடிக்குள் செல்போன் எடுத்து செல்ல தடை விதிக்கப்பட்டுள்ளது. ஆனால் அந்த தடையை மீறி ஒருவர் யாருக்கும் தெரியாமல் வாக்குச்சாவடிக்குள் தனது செல்போனை எடுத்து சென்றுள்ளார்.

அதுமட்டுமின்றி மின்னணு வாக்குப்பதிவு இயந்திரத்தில் விஜயின் தவெக வேட்பாளருக்கு விசில் சின்னத்தில் அவர் வாக்களிப்பதையும், அதனை உறுதி செய்யும் விவிபேட் இயந்திரத்தில் விசில் சின்னம் தெரிவதையும் அந்த நபர் வீடியோவாக பதிவு செய்துள்ளார்.

பாயப்போகும் வழக்கு

பிறகு அந்த வீடியோவை அவர் தனது சமூக வலைதளங்களில் பதிவிட்டார். இந்த வீடியோவை பார்த்த பலரும் சமூக வலைதளங்களில் பகிர தொடங்கினர். அதுமட்டுமின்றி தேர்தலில் விஜயின் தவெகவிற்கு வாக்களிக்கும்படி பலரும் வலைதளங்கள் வாயிலாக பிரசாரம் செய்தனர்.

இது புதுச்சேரி கலெக்டரும், தேர்தல் அதிகாரியுமான குலோத்துங்கள் கவனத்துக்கு சென்றது. இதையடுத்து சம்பவம் பற்றி விசாரிக்க உத்தரவிடப்பட்டுள்ளது. இந்த விசாரணையை தொடர்ந்து வீடியோ எடுத்த நபர் மீது வழக்குப்பதிவு செய்து நடவடிக்கை எடுக்கப்பட உள்ளது.

English summary

Puducherry Election 2026: In Puducherry Assembly election a member of Vijay's TVK party has landed in trouble after taking a mobile phone inside a polling booth, recording a video of himself casting a vote for the 'Whistle' symbol. Now Election Official Kulothungan has announced that legal action is set to be initiated against him after that video shared on social media.