Click it and Unblock the Notifications
Don't Miss
-
உங்க கல்லீரல் டேமேஜ் ஆகாம மது அருந்தணுமா? இப்படி மது அருந்துங்க... உங்க கல்லீரலுக்கு எந்த ஆபத்தும் வராது...! -
ஒரு பந்துக்கு 12 ரன் அடிக்க பார்க்காதே.. எவ்வளவு முறை சொல்றது? இளம் வீரருக்கு சூர்யகுமார் அட்வைஸ் -
வெறும் ரூ.10,000 விலை.. சூப்பர் பாஸ்ட் 5G மொபைல்.. அசராமல் அடிக்கும் Realme.. எப்போது விற்பனை? -
வெளி ஊர்ல இருக்கீங்களா? நீங்களும் ஓட்டு போடலாம்.. எப்படின்னு பாருங்க! -
ஒன்றல்ல, ரெண்டல்ல மொத்தம் 13 ஸ்கூட்டர்களை மாற்று திறனாளி இளைஞர்களுக்கு பரிசளித்த நடிகர் ராகவா லாரன்ஸ்.. -
நீங்கள் அடிக்கடி ரயிலில் பயணிப்பவரா – அப்போ இந்திய ரயில்வேயின் இந்த விதிமுறைகள் பற்றி உங்களுக்கு தெரியுமா? -
அரண்மனை 4 எடுக்க சிறுமிகள்தான் காரணம்.. சுந்தர்.சி சொன்ன ஆச்சரிய தகவல் -
பிளஸ்-2 படித்திருந்தால் போதும்...மத்தியஅரசு வேலை தயார்..!!
புதுச்சேரி முதல்வர் வேட்பாளர் பெரிய மாமனார் ரங்கசாமியா? மருமகன் நமச்சிவாயமா? இடியாப்ப சிக்கலில் பாஜக
புதுச்சேரி: புதுச்சேரியில் முதல்வர் வேட்பாளராக என்.ஆர். காங். தலைவர் ரங்கசாமியை அறிவிப்பதா? காங்கிரஸ் அரசை கவிழ்க்க காரணமாக இருந்த ரங்கசாமியின் தம்பி மருமகன் நமச்சிவாயத்தை அறிவிப்பதா? என்கிற இடியாப்ப சிக்கலில் இருக்கிறது பாஜக.
புதுச்சேரியில் பாஜகவுக்கு மக்களால் தேர்ந்தெடுக்கப்பட்ட எம்.எல்.ஏக்கள் ஒருவர் கூட கிடையாது. மாஜி ஆளுநர் கிரண்பேடியின் புண்ணியத்தால் பாஜகவின் 3 பேர் நியமன எம்.எல்.ஏக்கள் ஆகினர்.
புதுச்சேரியில் காங்கிரஸ், என்.ஆர். காங்கிரஸ், அதிமுக, திமுக ஆகியவைதான் செல்வாக்குள்ள கட்சிகள். காங்கிரஸ் கட்சியில் முதல்வர் நாராயணசாமிக்கு அடுத்த நிலையில் இருந்த மாஜி அமைச்சர் நமச்சிவாயத்தை வளைத்துப் போட்டது பாஜக. அதேபோல் 5 காங்கிரஸ் எம்.எல்.ஏக்களை பாஜக கபளீகரம் செய்துவிட்டது.
திமுக நிலைப்பாடு
இதனால் பாஜகவும் புதுச்சேரியில் ஒரு கட்சியாக உருமாறிவிட்டது. திமுக தனித்துப் போட்டியிடும் என்கிற நிலையும் இருந்தது. மேலும் திமுகவின் முதல்வர் வேட்பாளராக மாஜி மத்திய அமைச்சர் ஜெகத்ரட்சகன் முன்னிறுத்தப்படலாம் எனவும் கூறப்பட்டது. ஆனால் திமுக தலைமை இதில் ஆர்வம் காட்டவில்லை.
புதுவை கூட்டணி
மேலும் புதுச்சேரியிலும் திமுக- காங்கிரஸ் கூட்டணி என முடிவாகிவிட்டது. இன்னொரு பக்கம் என்.ஆர். காங்கிரஸ்- அதிமுக- பாஜக கூட்டணிதான் என முடிவானது. இந்த நிலையில் காரைக்காலில் தேர்தல் பிரசாரம் செய்த உள்துறை அமைச்சர் அமித்ஷா, புதுவையில் பாரதிய ஜனதா கட்சி ஆட்சி அமைக்கும் என பேசினார். இது என்.ஆர். காங்கிரஸ்- அதிமுகவை அதிர்ச்சி அடைய வைத்துள்ளது.
ரங்கசாமி கடும் அதிருப்தி
பாஜக கூட்டணியில் தாம் முதல்வர் வேட்பாளர் என நம்பி நாராயணசாமி அரசை கவிழ்த்தார் ரங்கசாமி. இப்போது பாஜக ஆட்சி அமைக்கும் என அமித்ஷா பேசியதால் காங்கிரஸில் இருந்து பாஜகவுக்கு தாவிய நமச்சிவாயம் முதல்வர் வேட்பாளராகும் நிலை உருவானது. இதில் கடும் அதிருப்தி அடைந்த ரங்கசாமி, என்.ஆர். காங்கிரஸ் தனித்து போட்டியிடும் நிலையில் உள்ளது.
பாஜக என்ன செய்யும்?
அதிமுகவோ பாஜகவுடன் கூட்டணியில் தொடருவதா? என்.ஆர். காங்கிரஸுடன் போவதா? என திக்கு தெரியாமல் விழித்துக் கொண்டிருக்கிறது. இப்போதைக்கு பாஜகவுக்கு ஒரே வழி என்.ஆர். காங்கிரஸுடன் கூட்டணி அமைப்பதுதான். ஆனால் முதல்வர் வேட்பாளராக தங்களை நம்பிவந்த நமச்சிவாயத்தைதான் பாஜக அறிவிக்கவும் வாய்ப்புள்ளது. ரங்கசாமியின் தம்பி மருமகன்தான் நமச்சிவாயம். பாஜக இப்போது மாமா ரங்கசாமியை முதல்வர் வேட்பாளராக்குமா? மருமகன் நமசிச்சிவாயத்தை வேட்பாளராக அறிவிக்குமா? என்பதுதான் புதுவை அரசியலில் அனல் பறக்கும் விவாதம்.
