ராமநாதபுரத்தில் ஓ பன்னீர் செல்வத்துக்கு ஷாக்.. நூலிழையில் மாறும் வெற்றி.. தந்தி டிவி எக்ஸிட் போல்

ராமநாதபுரம்: ஓ பன்னீர் செல்வம் போட்டியிட்டுள்ளதாக ராமநாதபுரம் லோக்சபா தொகுதி நட்சத்திர அந்தஸ்து பெற்றுள்ளது. இந்நிலையில் தான் ஓ பன்னீர் செல்வத்தை நூலிழையில் திமுக கூட்டணி வேட்பாளரான இந்தியன் யூனியன் முஸ்லிம் லீக்கின் சிட்டிங் எம்பி நவாஸ் கனி வீழ்த்த வாய்ப்புள்ளதாக தந்தி டிவியின் தேர்தலுக்கு பிந்தைய கருத்து கணிப்பில் தெரிவிக்கப்பட்டுள்ளது.

நம் நாட்டில் மொத்தம் 543 லோக்சபா தொகுதிகள் உள்ளன. இதில் மத்தியில் ஒரு கட்சி தனித்து ஆட்சியை பிடிக்க வேண்டும் என்றால் 272 தொகுதிகளில் வெற்றி பெற வேண்டும். இந்நிலையில் தான் 7 கட்டங்களாக லோக்சபா தேர்தல் அறிவிக்கப்பட்டது.

முதற்கட்டமாக கடந்த ஏப்ரல் 19ம் தேதி லோக்சபா தேர்தல் நடந்தது. இதில் தமிழ்நாட்டில் உள்ள 39 தொகுதிகள் மற்றும் புதுச்சேரியில் உள்ள ஒரு தொகுதிக்கு அன்றைய தினம் ஓட்டுப்பதிவு நடந்தது. அதன்பிறகு 6 கட்டங்களாக தேர்தல் நடந்து முடிந்தது. இன்று 7 வது மற்றும் கடைசி கட்ட தேர்தல் நடந்து முடிந்துள்ளது.

இதில் பதிவாகி உள்ள ஓட்டுகள் ஜுன் 4ம் தேதி எண்ணப்பட்டு முடிவுகள் அறிவிக்கப்பட உள்ளது. அன்றைய தினம் மத்தியில் ஆட்சி மாற்றம் ஏற்படுகிறதா? இல்லாவிட்டால் மீண்டும் பாஜக ஆட்சியை தொடர்கிறதா? என்பது தெரிந்துவிடும். இந்நிலையில் தான் இன்று லோக்சபா தேர்தல் முடிவடைந்த நிலையில் தேர்தலுக்கு பிந்தைய பல்வேறு கருத்து கணிப்பு முடிவுகள் வெளியாகி வருகின்றன.

ராமநாதபுரம் லோக்சபா தொகுதியில் பாஜக கூட்டணி சார்பில் சுயேச்சை வேட்பாளராக ஓ பன்னீர் செல்வம் களமிறங்கி உள்ளார். இந்த தொகுதியில் திமுக கூட்டணியில் மீண்டும் இந்தியன் யூனியன் முஸ்லிம் லீக் கட்சியின் சிட்டிங் எம்பி நவாஸ் கனி போட்டியிட்டுள்ளார். நாம் தமிழர் கட்சி சார்பில் சந்திரபிரபா, அதிமுக சார்பில் ஜெய்பெருமாள் ஆகியோர் போட்டியிட்டுள்ளனர்.

இதில் முன்னாள் முதல்வர் ஓ பன்னீர் செல்வம் நூலிழையில் திமுக கூட்டணி வேட்பாளர் இந்தியன் முஸ்லிம் லீக் வேட்பாளரான சிட்டிங் எம்பி நவாஸ் கனியிடம் தோல்வியடைவார் என தந்தி டிவியின் தேர்தலுக்கு பிந்தைய கருத்து கணிப்பில் தெரிவிக்கப்பட்டுள்ளது. அதன்படி இந்த தொகுதியில் திமுக கூட்டணியின் இந்தியன் யூனியன் முஸ்லிம் லீக் வேட்பாளர் நவாஸ் கனிக்கு வெற்றி வாய்ப்பு என தெரிவிக்கப்பட்டுள்ளது.

நவாஸ் கனிக்கு 35 சதவீத ஓட்டுகள் கிடைக்கும் எனவும், முன்னாள் முதல்வர் ஓ பன்னீர் செல்வத்துக்கு 33 சதவீத ஓட்டுகள் பெறுவார் எனவும் கூறப்பட்டுள்ளது. அதேபோல் அதிமுக வேட்பாளர் ஜெயபெருமாளுக்கு 22 சதவீத ஓட்டுகள் மட்டுமே கிடைக்கும் எனவும், அவர் 3ம் இடத்துக்கு தள்ளப்படுவார் எனவும் தெரிவிக்கப்பட்டுள்ளது.

English summary

Ramanathapuram Lok Sabha Election 2024 Exit Poll Results: Thanthi TV Exit polls result says, Ramanathapuram Lok Sabha constituency has got star status as O Panneer Selvam has contested. In this case, O Panneer Selvam will win in that constituency? Isn't it? The important information about this is given in the Thanthi TV exit polls.