13 பயணிகள் ரயில்களுக்கு ஸ்பெஷல் எண் ரத்து.. மீண்டும் பழைய நடைமுறைகள்? சேலம் ரயில்வே கோட்டம் அதிரடி
சேலம்: தமிழகத்தில் 13 பயணிகள் ரயில்கள், மீண்டும் பழைய எண்களிலேயே இயக்கப்படும் என்று சேலம் ரயில்வே கோட்டம் அறிவித்துள்ளது.
3 வருடங்களுக்கு முன்பு கொரோனா உச்சத்தில் இருந்தபோது, பொதுப் போக்குவரத்தில் நிறைய மாற்றங்கள் கொண்டுவரப்பட்டிருந்தன.. அதில், பயணிகள் ரயில்கள் அனைத்தும், சிறப்பு விரைவு ரயில்களாக மாற்றப்பட்டு, சிறப்பு எண்களுடனும், சிறப்பு கட்டணத்துடனும் இயக்கப்பட்டன.
மாற்றங்கள்: இந்த அதிரடி காரணமாக, பயணிகளின் ரயிலுக்கு இருந்த சாதாரண கட்டணம் உயர்த்தப்பட்டிருந்தது.. கடந்த சில மாதங்கள் வரை, சிறப்புக் கட்டணம்தான் வசூலிக்கப்பட்டு வந்த நிலையில், சமீபத்தில்தான் குறைக்கப்பட்டது. அந்தவகையில், ஏற்கனவே இருந்த பழைய கட்டணமே தற்போது வசூலிக்கப்பட்டு வருகிறது.
அதுபோலவே, சேலம் ரயில்வே கோட்டம் வழியாக இயக்கப்பட்டு வரும் பயணிகள் ரயில்களுக்கு, சிறப்பு எண்கள் ரத்து செய்யப்பட்டு, பழைய எண்களிலேயே அந்த ரயில்கள் இயக்கப்பட உள்ளதாக அறிவிப்பு வெளியாகியிருக்கிறது.
சிறப்பு எண்கள்: சேலம்- விருத்தாசலம், சேலம்- கரூர், ஈரோடு- மேட்டூர், கோவை- மேட்டுப்பாளையம் உள்பட சேலம் கோட்டம் வழியாக இயக்கப்படும் சிறப்பு எண்களுக்கு மாற்றாக, ஜூலை 1-ம் தேதியில் இருந்து மறுபடியும் பழைய எண்களிலேயே இயக்கப்படும் என்று சேலம் ரயில்வே கோட்டம் சார்பில் தெரிவிக்கப்பட்டுள்ளது. இதுகுறித்து வெளியான அறிவிப்பில் உள்ளதாவது:
இதன்படி, ஈரோடு- மேட்டூர் அணை (சிறப்பு எண்.06407) பழைய எண்.56103, மேட்டூர் அணை- ஈரோடு (சி.எண்- 06408) பழைய எண்- 56104, திருச்சி- ஈரோடு (சி.எண்-06809) பழைய எண்- 56105, ஈரோடு- திருச்சி (சி.எண்- 06810) பழைய எண்- 56106, ஜோலார்பேட்டை- ஈரோடு (சி.எண்- 06411) பழைய எண்- 56107, ஈரோடு- ஜோலார்பேட்டை (சி.எண்- 06412) பழைய எண்- 56108, திருச்சி- ஈரோடு (சி.எண்- 06611) பழைய எண்- 56809, ஈரோடு- திருச்சி (சி.எண்- 06612) பழைய எண்- 56810 என நடைமுறைக்கு வரவுள்ளது.
பழைய எண்கள்: இதேபோல், ஈரோடு- ஜோலார்பேட்டை (சி.எண்-06846) பழைய எண்-56812, ஜோலார்பேட்டை- ஈரோடு (சி.எண்-06845) பழைய எண்- 56811, ஈரோடு- கோவை (சி.எண்-06801) பழைய எண்-66601, கோவை- ஈரோடு (சி.எண்-06800) பழைய எண்- 66602, ஈரோடு- பாலக்காடு டவுன் (சி.எண்- 06819) பழைய எண்-66607), பாலக்காடு டவுன்- ஈரோடு (சி.எண்-06818) பழைய எண்-66608 என நடைமுறைக்கு வரவுள்ளது.
மேலும், கடலூர்- சேலம் (சி.எண்-06121) பழைய எண்- 76813, சேலம்- கடலூர் (சி.எண்-06122) பழைய எண்- 76814, சேலம்- விருத்தாசலம் (சி.எண்- 06896) பழைய எண்- 76816, விருத்தாசலம்- சேலம் (சி.எண்- 06895) பழைய எண்- 76815, சேலம்- கரூர் (சி.எண்-06831) பழைய எண்- 76821, கரூர்- சேலம் (சி.எண்-06836) பழைய எண்- 76822 உள்பட 13 பயணிகள் ரயில்களுக்கு, மீண்டும் பழைய எண்களே வழங்கப்பட்டுள்ளன.
இவை ஜூலை 1-ம் தேதி முதல் பழைய எண்களில் இயக்கப்படும் என்று சேலம் ரயில்வே கோட்டம் சார்பில் அறிக்கை மூலம் தெரிவிக்கப்பட்டுள்ளது.
Click it and Unblock the Notifications
Sign in with Google