சஞ்சு சாம்சனால் குழப்பம்தான்.. ஓரமாக உட்கார வைத்த கம்பீர்.. இனி யாரும் ஒன்னும் செய்ய முடியாது!

கட்டாக்: தென்னாப்பிரிக்கா அணிக்கு எதிரான முதல் டி20 போட்டியில் இந்திய அணி அபார வெற்றியை பெற்றுள்ள நிலையில், இனி இந்திய அணியின் பிளேயிங் லெவனில் சஞ்சு சாம்சன் இடம்பெறுவதற்கு வாய்ப்பே இல்லை என்று கணிக்கப்படுகிறது. அதற்கான காரணத்தை இந்த செய்தியில் பார்க்கலாம்.

தென்னாப்பிரிக்கா அணிக்கு எதிரான முதல் டி20 போட்டியில் இந்திய அணி 101 ரன்கள் வித்தியாசத்தில் பிரம்மாண்ட வெற்றியை பெற்றுள்ளது. இந்தப் போட்டியில் முதலில் பேட்டிங் ஆடிய இந்திய அணி 20 ஓவர்களில் 6 விக்கெட்டுகள் இழப்பிற்கு 175 ரன்களை குவித்தது. அதிரடியாக ஆடிய ஹர்திக் பாண்டியா 28 பந்துகளில் 4 சிக்ஸ், 6 பவுண்டரி உட்பட 59 ரன்களை குவித்தார்.

இதன்பின் களமிறங்கிய தென்னாப்பிரிக்கா அணி 12.3 ஓவர்களில் 74 ரன்கள் மட்டுமே எடுத்து ஆல் அவுட்டாகியது. இந்திய அணி தரப்பில் அர்ஷ்தீப் சிங், பும்ரா, வருண் சக்கரவர்த்தி, அக்சர் படேல் தலா 2 விக்கெட்டுகளையும், ஹர்திக் மற்றும் சிவம் துபே தலா ஒரு விக்கெட்டையும் வீழ்த்தினர். இந்தப் போட்டியில் இந்திய அணியின் பேட்டிங் வரிசை நம்பர் 8 வரை இருந்தது.

அதேபோல் 3 பவுலர்கள் மற்றும் 3 ஆல்ரவுண்டர்கள் இடம்பெற்றனர். டி20 கிரிக்கெட்டுக்கு இது சரியாக அணியாக கட்டமைக்கப்பட்டுள்ளது. டி20 உலகக்கோப்பை தொடருக்கு இன்னும் 2 மாதங்கள் மட்டுமே இருக்கும் சூழலில், இந்திய அணி பெரிதாக எந்த ரிஸ்கையும் எடுக்க விரும்பவில்லை. சஞ்சு சாம்சன் இடத்தில் சுப்மன் கில் விளையாடுவார் என்பது உறுதியாகிவிட்டது.

அதேபோல் சஞ்சு சாம்சனை மிடில் ஆர்டரில் களமிறக்கி கம்பீர் எந்த பரிசோதனை முயற்சியையும் எடுக்க விரும்பவில்லை. அதனால் விக்கெட் கீப்பராக மிடில் ஆர்டர் வரிசையில் ஆடக் கூடிய ஜித்தேஷ் சர்மாவை பேட்டிங் வரிசைக்குள் கொண்டு வந்தது சரியான முடிவாகவே பார்க்கப்படுகிறது. அதேபோல் டி20 கிரிக்கெட்டில் குல்தீப் யாதவ் வெளியில் அமர வைக்கப்பட்டிருக்கிறார்.

அதற்கு வருண் சக்கரவர்த்தியின் எழுச்சியே காரணமாக அமைந்துள்ளது. இன்றைய ஆட்டத்தில் திலக் வர்மா 32 பந்துகளில் 26 ரன்கள் எடுத்ததே ஒரேயொரு குறை. அவர் அதிரடியாக விளையாடக் கூடியவர் என்றாலும், முதல் பேட்டிங் ஆடும் போது அடிக்கடி இப்படியான இன்னிங்ஸை ஆடுவது மட்டுமே சிக்கலாக பார்க்கப்படுகிறது. அந்தப் பிரச்சனையை களைவதற்கான வழியை இந்திய அணி ஆராய வேண்டும்.

English summary

IND vs SA: Gautam Gambhir decided not to experiment with Sanju Samson in the Middle order ahead of T20 World Cup 2026