40 வயதில் நீண்ட நாள் காதலியை கரம்பிடித்த கிரிக்கெட் வீரர் ஷிகர் தவான்.. யார் இந்த சோபி ஷைன்?

மும்பை: இந்திய கிரிக்கெட் அணியின் முன்னாள் வீரரான ஷிகர் தவான் தனது நீண்ட நாள் காதலியான சோபி ஷைன் என்பவரை திருமணம் செய்திருக்கிறார். 2023ஆம் ஆண்டு தனது முன்னாள் மனைவி ஆயுஷா முகர்ஜியை விவாகரத்து செய்த ஷிகர் தவான், சொந்த வாழ்க்கையில் பல்வேறு துன்பங்களை அனுபவித்தார். தற்போது 40 வயதில் மீண்டும் காதல் திருமணம் செய்திருக்கிறார்.

இந்திய கிரிக்கெட் ஜாம்பவான்களில் முக்கியமானவர் ஷிகர் தவான். ஏனென்றால் 2013 முதல் 2021 வரை ஷிகர் தவான் இந்திய டி20 மற்றும் ஒருநாள் அணியின் தொடக்க வீரராக செயல்பட்டு வந்துள்ளார். இந்திய அணிக்காக 34 டெஸ்ட் போட்டிகள், 167 ஒருநாள் போட்டிகள் மற்றும் 68 டி20 போட்டிகளில் விளையாடியுள்ளார். மொத்தமாக 10 ஆயிரத்திற்கும் அதிகமான ரன்களை விளாசி இருக்கிறார்.

அதேபோல் ஐபிஎல் தொடரில் ஷிகர் தவான் டெல்லி, ஐதராபாத், மும்பை, பஞ்சாப் உள்ளிட்ட அணிகளுக்காக விளையாடி வந்தார். கடந்த சீசனுக்கு முன் ஷிகர் தவான் ஓய்வை அறிவித்தார். இதன்பின் ஷிகர் தவான் தனது தொழில் மற்றும் வர்ணனை பணிகளில் ஈடுபட்டு வந்தார். ஷிகர் தவானின் கிரிக்கெட் வாழ்க்கை முடிவுக்கு வருவதற்கு அவரின் சொந்த வாழ்க்கை ஒரு காரணமாக அமைந்தது.

ஏனென்றால் ஆஸ்திரேலியாவைச் சேர்ந்த ஆயிஷா முகர்ஜியை 2011ஆம் ஆண்டு திருமணம் செய்தார். ஆயிஷா முகர்ஜி ஏற்கனவே திருமணமாகி விவாகரத்து செய்து குழந்தையுடன் இருந்தவர். இதன்பின் இவர்கள் ஹர்பஜன் சிங் மூலமாக அறிமுகமாகி காதலித்து திருமணம் செய்தனர். இவர்களுக்கு ஜோரோவர் என்ற மகன் பிறந்தார். ஆனால் 2023ஆம் ஆண்டு இவர்களுக்கு இடையில் கருத்து வேறுபாடு ஏற்பட்டது.

இதையடுத்து ஷிகர் தவான் - ஆயிஷா முகர்ஜி இடையில் விவாகரத்து நடைபெற்றது. இருப்பினும் மகன் ஜோரோவரை பார்க்க முடியாமல் ஷிகர் தவான் சோகத்தில் இருந்தார். இந்த நிலையில் அயர்லாந்தைச் சேர்ந்த சோபி ஷைன் என்பவரை ஷிகர் தவான் சந்தித்தார். ஐக்கிய அரபு அமீரகத்தில் இவர்களுக்கு இடையே அறிமுகம் நடந்தது. இதன்பின் இவர்கள் சில நாட்களில் காதலிக்க தொடங்கினர்.

தொடர்ந்து ஷிகர் தவான் - சோபி ஷைன் இடையில் ஜனவரி மாதம் நிச்சயதார்த்தம் நடைபெற்றது. இந்த நிலையில் ஷிகர் தவான் - சோபி ஷைன் இடையில் திருமணம் நடந்து முடிந்துள்ளது. இவர்களின் திருமண புகைப்படத்தை சாஹல் தனது இன்ஸ்டாகிராமில் வெளியிட்டு வாழ்த்தி இருக்கிறார். சில நாட்களுக்கு முன் சோபி ஷைன் தனது ஹல்தி கொண்டாட்ட புகைப்படங்களை பதிவிட்டிருந்தார்.

40 வயதில் ஷிகர் தவான் தனது நீண்ட நாள் காதலியை கரம்பிடித்திருப்பது ரசிகர்களிடையே உற்சாகத்தை ஏற்படுத்தியது. இந்த திருமண வாழ்க்கையில் ஷிகர் தவான் மகிழ்ச்சியாக இருக்க ரசிகர்கள் பலரும் வாழ்த்து தெரிவித்து வருகின்றனர். மேலும் சோபி ஷைன் யார் என்பதையும் ரசிகர்கள் தேடி வருகின்றனர். இவர் அமெரிக்காவைச் சேர்ந்த நிறுவனம் ஒன்றில் பிராடக்ட் ஆலோசகராக இருக்கிறார்.

English summary

Shikhar Dhawan: Indian Cricketer Shikhar Dhawan married his long time girlfriend Sophie Shine in a private ceremony. Earlier Shikhar Dhawan divorced his wife Ayesha Mukharjee on 2023 after the mental trauma