ஊடகங்கள் காட்டியது பிரபாகரன் உடலே அல்ல.. உயிருடன் இருக்கலாம்- 'ரா' அதிகாரி சுப்ரமணியம் திடுக் தகவல்

கொழும்பு: இலங்கை யுத்தத்தின் போது ஊடகங்கள் காட்டியது தமிழீழ விடுதலைப் புலிகளின் தலைவர் பிரபாகரனின் உடல் அல்ல; அவர் உயிருடன் இருக்கலாம் என்று 'ரா' முன்னாள் அதிகாரியும் கடற்படை அதிகாரியுமான கார்கில் சுப்ரமணியம் தெரிவித்துள்ளதாக இலங்கை ஊடகங்கள் செய்தி வெளியிட்டுள்ளன.

ஆங்கில இணையதளம் ஒன்றுக்கு கார்கில் சுப்ரமணியம் அளித்த பேட்டி என இலங்கை ஊடகங்கள் வெளியிட்டுள்ள செய்தியில் இடம்பெற்றுள்ள தகவல்கள்:

- இலங்கை அரசு காட்டியது பிரபாகரன் உடல் அல்ல. அது அவருடைய உடல்தான் எனில் முறையாக இறப்பு சான்றிதழ், மரபணு பரிசோதனை சான்றிதழ் வழங்காதது ஏன்?

- இலங்கையில் மரபணு சோதனை நடத்துவதற்காக பரிசோதனை வசதியே கிடையாது.

- இந்தியாவிடம் பிரபாகரன் மரணம் தொடர்பாக இலங்கை அளித்தது ஒரு "அறிக்கை" மட்டுமே...மரண சான்றிதழ் அல்ல.

- ஊடகங்களில் காட்டப்பட்ட உடலில் இருந்து மரபணு மாதிரிகள் எடுக்கப்பட்ட போதும் அதை இந்தியாவிடம் இலங்கை கொடுக்கவில்லை.

- இந்த மரபணு மாதிரி பற்றிய முடிவுகளை இலங்கை ஏன் வெளியிடவில்லை?

- அப்படியானால் பிரபாகரன் உயிருடன்தான் இருக்கிறாரா?

- இறுதி யுத்தத்தின் சில நாட்களுக்கு முன்னரே பிரபாகரனின் மனைவி, மகள் இலங்கை ராணுவத்தால் வெள்ளை வேனில் கடத்தப்பட்டு படுகொலை செய்யப்பட்டனர்.

- ஆயுதங்களை ஒப்படைத்துவிட்டு சரணடையுமாறு பிரபாகரனை இந்தியா கேட்டது.

- ஆயுதங்களை ஒப்படைக்காமல் போரிடுங்கள் என வைகோ, நெடுமாறன் ஆகியோர் கூறினர். இதனை பிரபாகரன் கேட்டதால் தோல்வி அடைந்தார்.

- ராஜபக்சேவின் தோல்விக்கு 'ரா'வின் பங்களிப்பு இருக்கலாம்.

இவ்வாறு அந்த செய்திகளில் கூறப்பட்டுள்ளது.

English summary

Srilankan Medias quoted, Kargil M. Subramaniam, former RAW offical's claims that the body of the man exposed as LTTE leader Prabhakaran was in fact not him.