தேமுதிக செயற்குழுவை புறக்கணித்த 3 எம்.எல்.ஏக்கள்- அதிமுக அணிக்கு தாவல்?

சென்னை: தேமுதிகவின் அவசர செயற்குழுவை அக்கட்சியின் 3 எம்.எல்.ஏக்கள் புறக்கணித்து பரபரப்பை ஏற்படுத்தியுள்ளனர்.

தேமுதிகவின் சட்டசபை உறுப்பினர்களில் 7 பேர் ஏற்கெனவே அதிமுக அணிக்கு தாவிவிட்டனர். இந்த நிலையில் அக்கட்சியின் மற்றொரு எம்.எல்.ஏவும் அவைத் தலைவருமான பண்ருட்டி ராமச்சந்திரனும் ராஜினாமா செய்துவிட்டார்.

தற்போது தேமுதிகவின் அதிருப்தி எம்.எல்.ஏக்கள் ராஜினாமாவே செய்தால் தேமுதிகவின் எதிர்க்கட்சி அந்தஸ்து பறிபோகும். இந்த நிலையில் பண்ருட்டி ராமச்சந்திரன் ராஜினாமாவை தொடர்ந்து சென்னையில் நேற்று தேமுதிக செயற்குழுக் கூட்டம் நடைபெற்றது.

இந்தக் கூட்டத்தில் தேமுதிகவின் எம்.எல்.ஏக்கள் 3 பேர் கலந்து கொள்ளவில்லை என்று கூறப்படுகிறது. இவர்கள் மூவரும் விரைவில் அதிமுக ஆதரவு அணியில் இணையக் கூடும் என்றும் கூறப்படுவதால் தமிழக அரசியலில் மீண்டும் பரபரப்பு ஏற்பட்டுள்ளது.

English summary

Three mor DMDK Mlas who were skipped party's crucial meeting Will meet Chief Minister Jayalalithaa to discuss constituency development issues and in doing so, like the others?