இதை இதை எல்லாம் தான் ஆபீஸில் செய்யக் கூடாது

By Siva

Updated: Monday, February 2, 2015, 18:43 [IST]

Subscribe to Oneindia Tamil

சென்னை: அலுவலகத்தில் என்னென்ன செய்யக் கூடாது என்பதை தெரிந்து கொள்ளுங்கள்.

காலை 9 மணிக்கு அலுவலகத்திற்குள் நுழைந்தால் மாலை 6 மணிக்கு தான் வெளியே வருகிறோம். வாரத்தில் 5 அல்லது 6 நாட்கள் வேலை பார்க்கிறோம். அப்படி வேலை செய்யும் இடத்தில் சக ஊழியர்களுடன் நல்லவிதமாக பழகுவது அவசியம்.

இந்நிலையில் அலுவலகத்தில் என்னென்ன செய்யக் கூடாது என்பதை தெரிந்து கொள்ளுங்கள்.

செல்போன் பேச்சு

அலுவலகத்தில் அமர்ந்து கொண்டு செல்போனில் சப்தமாக பேசாதீர்கள். அது பிறரை எரிச்சல் அடைய வைக்கும். மேலும் உங்கள் மீது அவர்களுக்கு வெறுப்பும் ஏற்பட வழிவகுக்கும்.

நண்பேன்டா

பணி வேறு, தனிப்பட்ட வாழ்க்கை வேறு. அது அவ்வாறே இருக்க அலுவலகத்தில் பணிபுரிபவர்களை சிறந்த நண்பர்களாக்க வேண்டும் என்று நினைக்காதீர்கள். அலுவலகத்தில் நண்பேன்டா இருந்தால் அது அசௌகரியத்தில் முடியும்.

பாஸ் செல்லம்

அனைவரும் பாஸுக்கு பிடித்த நபராக இருக்க விரும்புவது சகஜம் தான். ஆனால் நீங்கள் பாஸுக்கு பிடித்த நபராக இருப்பது சக ஊழியர்கள் உங்களை பொறாமை மற்றும் வெறுப்புடன் பார்க்க வழிவகுக்கும்.

அடுத்தவர்கள் கம்ப்யூட்டர்

அலுவலகத்தில் சக ஊழியர்களின் கம்ப்யூட்டரை எட்டிப் பார்ப்பது கூடாது. அவர்கள் எந்த இணையதளங்களை எல்லாம் பார்க்கிறார்கள், யாருக்கு இமெயில் அனுப்புகிறார்கள், இமெயிலில் என்ன எழுதுகிறார்கள் என்பதை எட்டிப் பார்ப்பது நல்ல குணம் இல்லை. உங்கள் கம்ப்யூட்டரை யாராவது எட்டிப்பார்த்தால் கோபம் வருகிறது அல்லவா. அப்படி இருக்கையில் அதையே நீங்கள் ஏன் பிறருக்கு செய்ய வேண்டும்?