தினகரனுக்கு 60 எம்.எல்.ஏ.க்கள் ஆதரவு: புது கணக்கு சொல்லும் நாஞ்சில் சம்பத்

தேனி: டிடிவி தினகரனுக்கு 60க்கும் மேற்பட்ட எம்.எல்.ஏக்கள் ஆதரவளிப்பார்கள் என்று நாஞ்சில் சம்பத் தெரிவித்துள்ளார்.

ஓபிஎஸ்-இபிஎஸ் அணிகள் ஒன்று சேர்ந்த கையோடு டிடிவி தினகரன் அவர்களுக்கு எதிராக களம் இறங்கியுள்ளார். முதலில் 19 எம்.எல்.ஏ.க்கள் தினகரனுக்கு ஆதரவு தெரிவித்தனர். இந்த எண்ணிக்கை அதிகரித்து வருகிறது.

இந்நிலையில் இது குறித்து நாஞ்சில் சம்பத் தேனியில் செய்தியாளர்களிடம் கூறியதாவது,

யாரோ இட்ட கட்டளையை நிறைவேற்ற ஓபிஎஸ், இபிஎஸ் துடிக்கிறார்கள். டிடிவி தினகரன் தூசு படியா வானம். அவரை யாராலும் அழுக்கடைய செய்ய முடியாது.

இந்த விவகாரம் குறித்து ஆளுநர் நல்ல முடிவை எடுப்பார் என்று நம்புகிறோம். இல்லை என்றால் நீதிமன்றம் செல்வோம். தற்போது 21 எம்.எல்.ஏ.க்கள் டிடிவிக்கு ஆதரவாக உள்ளனர்.

இனி 60க்கும் மேற்பட்ட எம்.எல்.ஏ.க்கள் அவருக்கு ஆதரவளிப்பார்கள். தமிழக முதல்வராக இருக்க எடப்பாடி பழனிசாமிக்கு தகுதி இல்லை. தமிழக அரசியலில் உள்ள ஒரே ஆண் பிள்ளை தினகரன் என்றார்.

English summary

Nanjil Sampath said that more than 60 MLAs will support TTV Dinakaran.