தகிக்கும் சட்டசபை... சஸ்பெண்ட் செய்யப்படாத திமுக எம்எல்ஏக்கள் வெளிநடப்பு!

சென்னை: சஸ்பெண்ட் செய்யப்படாத திமுக எம்எல்ஏக்கள் 8 பேரும் சட்டசபையில் இருந்து இன்று வெளிநடப்பு செய்தனர்.

திமுக எம்எல்ஏக்கள் கூண்டோடு சஸ்பெண்ட் செய்யப்பட்டுள்ள நிலையில், இன்று சட்டசபையில் காவல்துறை மீதான மானியக் கோரிக்கை மீதான விவாதம் நடைபெறவுள்ளது. இந்க நிலையில் வழக்கம் போல சட்டசபைக் கூட்டம் தொடங்கிய உடன் சஸ்பெண்ட் செய்யப்படாத திமுக உறுப்பினர் 8 பேரும் கறுப்புத் துணியை வாயில் கட்டிக் கொண்டு சட்டசபைக்குச் சென்றனர்.

கூட்டம் தொடங்கியதும், எதிர்க்கட்சித் தலைவர் மு.க.ஸ்டாலின் உள்ளிட்ட திமுக எம்எல்ஏக்கள் மீதான சஸ்பெண்ட்டை நீக்க வேண்டும் என்று சபாநாயகர் தனபாலிடம் 8 திமுக எம்எல்ஏக்களும் கோரினார்கள். ஆனால் சபாநாயகர் மறுப்பு தெரிவித்துவிட்டார். இதற்கு எதிர்ப்பு தெரிவித்து, 8 திமுக எம்எல்ஏக்களும் வெளிநடப்பு செய்துள்ளனர்.

English summary

8 DMK MLA walk out from assembly