எந்த வேலையா இருந்தாலும் செய்ய ரெடி.. சம்பளம் வேண்டாம்.. ஆனா...? இந்த அலப்பறையை பாருங்க மக்களே!

எந்த வேலையா இருந்தாலும் செய்ய ரெடி, சம்பளம் வேண்டாம், ஆனா இதை மட்டும்வேலையா இருந்தாலும் செய்ய ரெடி, சம்பளம் வேண்டாம், ஆனா இதை மட்டும் கொடுங்கள் என ஆசாமி ஒருவர் அலப்பறை செய்யும் வீடியோ வைரலாகியுள்ளது.

Updated: Tuesday, June 19, 2018, 12:37 [IST]

Subscribe to Oneindia Tamil

Recommended Video

எந்த வேலையா இருந்தாலும் செய்ய ரெடி.. சம்பளம் வேண்டாம்..அதிரடி கண்டிசன்-வீடியோ

சென்னை: எந்த வேலையா இருந்தாலும் செய்ய ரெடி, சம்பளம் வேண்டாம், ஆனா இதை மட்டும் கொடுங்கள் என ஆசாமி ஒருவர் அலப்பறை செய்யும் வீடியோ வைரலாகியுள்ளது.

இந்த வேலை மட்டும்தான் செய்வேன், இத்தனை மணி நேரம் தான் செய்வேன், சொன்னப்படி சொன்ன தேதியில் டான் என கைக்கு சம்பளம் வந்துவிட வேண்டும் என கூற கேட்டிருப்போம். இது ஒரு ரகம்.

சம்பளம் கூட வேண்டாம், நல்ல வேலை, மூன்று வேளை சாப்பாடு, தங்க இடம் கொடுத்தால் போதும் என ஒரு காலத்தில் கூற கேட்டிருப்போம்.. கேள்விபட்டிருப்போம். இது மற்றொரு ரகம்.

சேலம் வெள்ளைச்சாமி

இந்நிலையில் சேலத்தை சேர்ந்த நபர் ஒருவர், தனக்கு வேலை கேட்டு செய்யும் அலப்பறை செய்யும் வீடியோ சமூக வலைதளங்களில் வைரலாகியுள்ளது. தனது பெயர் வெள்ளைச்சாமி என்றும், சேலம் மாவட்டம் சூரமங்கலத்தை சேர்ந்தவர் என்றும் தன்னை அறிமுகப்படுத்திக்கொள்கிறார் அந்த நபர்.

சகல வேலைக்கும் ரெடி

தான் ஒரு ஆல்ரவுண்டர் எனவும் எந்த வேலை கொடுத்தாலும் செய்ய தயார் என்றும் கூறுகிறார் அவர். கூட்டுவது, துடைப்பது, பாத்ரூம் க்ளீனிங் காய்கறி நறுக்குவது என சகல வேலைகளும் செய்ய தயார் என்கிறார்.

எச்சில் ஊறும் லிஸ்ட்

மேலும் தான் காசு பணத்திற்கு ஆசைப்படவில்லை என்றும் சம்பளம் ஒரு பைசா கூட தேவையில்லை. மூன்று வேளை சாப்பாடு வேண்டும் என போடுகிறாரே ஒரு லிஸ்ட்.. அப்பப்பா கேட்கும்போது நமக்கே நாக்கில் எச்சில் ஊறுகிறது.

சாப்பாடு மெனு வித் சரக்கு

அதாவது காலையில் வெடக்கோழி சாப்பாடாம், மத்தியம் வஞ்சிரம் மீன் குழம்புடன் சாப்பாடு வேண்டுமாம். இரவு டின்னர் இளசா வெள்ளாட்டுக்கறி குழம்புடன் சாப்பாடு வேண்டுமாம் அந்த ஆல் ரவுண்டருக்கு. மேலும் தினம் படுக்கும்போது 4 பாட்டில் சரக்கு வேண்டும் என்றும் பிராண்டுடன் நிபந்தனை விதிக்கிறார் வெள்ளைச்சாமி.

பல்லுக்கு பதமாக இருக்கும்

அதோடு நிற்கவில்லை ஏன் இந்த சாப்பாடு வேண்டும் என்றும் அவர் விளக்கம் அளித்துள்ளார். அதாவது, வஞ்சிரம் மீனில் முள் இருக்காதாம் குழம்பு ருசியாக இருக்குமாம். சாப்பிட இதமாக இருக்குமாம், இளசா வெள்ளாட்டுக்கறி பல்லுக்கு பதமாக இருக்கும் உடலுக்கு நல்லது என்பதால் வேண்டும் என்கிறார்.

மேலே தூக்கி விட்டுவிடுவேன்

தனது கல்வித்தகுதி என அந்த காலத்திலேயே எல்கேஜி படித்திருப்பதாகவும், வேலைக்கு சேர்ந்த ஒரே மாதத்தில் முதலாளியை மேலே தூக்கி விட்டுவிடுவேன் என உத்தரவாதமும் அளிக்கிறார் அந்த ஆல்ரவுண்டர் வெள்ளைச்சாமி. அவரது இந்த வீடியோ சமூக வலைதளங்களில் வைரலாகியுள்ளது.