நவ.7-ல் ”மொபைல் ஆப்” மட்டும்தான் அறிவிக்கப் போகிறார் கமல்ஹாசன்!

நடிகர் கமல்ஹாசன் தமது பிறந்த நாளான நவம்பர் 7-ந் தேதியன்று அனைவரையும் ஒன்றிணைப்பதற்காக ஒரு மொபைல் ஆப் ரிலீஸ் செய்ய இருப்பதாகவும் தகவல்கள் வெளியாகி உள்ளன.

சென்னை: நடிகர் கமல்ஹாசன் தமது பிறந்த நாளான நவம்பர் 7-ந் தேதியன்று தனிக்கட்சி எதுவும் அறிவிக்கப் போவதில்லை எனவும் அனைவரையும் ஒன்றிணைப்பதற்காக ஒரு மொபைல் ஆப் மட்டுமே ரிலீஸ் செய்ய இருப்பதாகவும் தகவல்கள் வெளியாகி உள்ளன.

நடிகர் கமல்ஹாசன் கடந்த சில மாதங்களாக தீவிரமாக அரசியல் கருத்துகளை பேசி வருகிறார். குறிப்பாக ட்விட்டர் பக்கத்தை அரசியல் ஆயுதமாக கமல்ஹாசன் பயன்படுத்தி வருகிறார்.

இந்நிலையில் தம்முடைய பிறந்த நாளான நவம்பர் 7-ல் கமல்ஹாசன் தனிக் கட்சி அறிவிப்பை வெளியிடுவார் என தகவல்கள் வெளியாகி இருந்தன. இந்நிகழ்ச்சியில் கமல்ஹாசனுடன் இணைந்து செயல்பட முன்வந்துள்ள அமைப்புகள், இயக்கங்கள் கைகோர்க்கும் என்றும் கூறப்பட்டது.

இதனால் தமிழக அரசியலில் பெரும் பரபரப்பு கிளம்பியது. ஆனால் தற்போது, நவம்பர் 7-ந்தேதியன்று கமல்ஹாசன் தனிக்கட்சி அறிவிப்பு வெளியிடப் போவதில்லை; தமது ஆதரவாளர்களை ஒருங்கிணைப்பதற்கான ஒரு மொபைல் ஆப் மட்டுமே நவம்பர் 7-ந் தேதியன்று கமல்ஹாசன் வெளியிட இருக்கிறாராம்.

இதற்கான ஏற்பாடுகள்தான் படுதீவிரமாக நடைபெற்று வருவதாக தகவல்கள் வெளியாகி உள்ளன.

English summary

Sources said that Actor Kamal Haasan will launch the Mobile App for the cadres on Nov. 7.