ஸ்ரீதேவியின் இறுதிச்சடங்கில் பங்கேற்க மும்பை செல்கிறார் கமல்!

மறைந்த முன்னணி நடிகை ஸ்ரீதேவியின் இறுதிச் சடங்கில் பங்கேற்பதற்காக நடிகர் கமல்ஹாசன் மும்பை செல்கிறார்.

சென்னை: மறைந்த முன்னணி நடிகை ஸ்ரீதேவியின் இறுதிச் சடங்கில் நடிகர் கமல்ஹாசன் பங்கேற்கிறார். இதற்காக அவர் இன்று பிற்பகலில் மும்பை செல்கிறார்.

தமிழ், தெலுங்கு, இந்தி என 300க்கும் மேற்பட்ட திரைப்படங்களில் நடித்து நாடு முழுவதும் ரசிகர்களைக் கொண்ட நடிகை ஸ்ரீதேவி துபாயில் மரணமடைந்தார். உறவினரின் திருமண நிகழ்ச்சியில் பங்கேற்க சென்றவர் ஓட்டலில் திடீர் மாரடைப்பு ஏற்பட்டு இறந்ததாக அவரது குடும்பத்தினர் அறிவித்துள்ளனர்.

துபாயில் அவரது உடல் பிரேத பரிசோதனை செய்யப்பட்டு இந்தியாவிற்கு கொண்டு வருவதற்கான நடவடிக்கைகள் மேற்கொள்ளப்பட்டு வருகின்றன. இன்று இரவு ஸ்ரீதேவியின் உடல் தனி விமானம் மூலம் இந்தியா கொண்டு வரப்பட்டு நாளை இறுதிச்சடங்கு நடைபெறும் என்று கூறப்படுகிறது.

ஸ்ரீதேவியின் இறுதிச்சடங்கில் பங்கேற்பதற்காக நடிகர் ரஜினிகாந்த் மும்பை சென்றுள்ளார். இந்நிலையில் ஸ்ரீதேவியுடன் 27 படங்கள் வரை நடித்த நடிகர் கமல் ஸ்ரீதேவியின் இறுதிச்சடங்கில் பங்கேற்பதற்காக மும்பை செல்ல திட்டமிட்டுள்ளார். பிற்பகலில் கமல்ஹாசன் விமானம் மூலம் மும்பை செல்ல திட்டமிட்டுளளதாக தகவல்கள் தெரிவிக்கின்றன.

English summary

Actor Kamalhaasan is going to Mumbai to pay final tribute to actress sridevi, as he acted nearly 27 films with her. By noon Kamalhaasan leaving chennai in flight