பாஜக எம்பி பிரதாப் சிம்ஹாவுக்கு நடிகர் பிரகாஷ் ராஜ் நோட்டீஸ்

சமூக வலைதளத்தில் தன்னைப்பற்றி தவறாக பேசிய பாஜக எம்.பிக்கு நடிகர் பிரகாஷ் ராஜ் சட்ட நோட்டிஸ் அனுப்பியுள்ளார்.

சென்னை: சமூக வலைதளத்தில் தன்னைப்பற்றி தவறாக பேசிய பாஜக எம்.பி பிரதாப் சிம்ஹாக்கு நடிகர் பிரகாஷ் ராஜ் சட்ட நோட்டிஸ் அனுப்பியுள்ளார். அதில் தன்னைப்பற்றி தவறாக பேசியதற்கு மன்னிப்பு கேட்கும்படி பிரகாஷ் ராஜ் குறிப்பிட்டுள்ளார்.

சில நாட்களுக்கு முன்பு நடிகர் பிரகாஷ் ராஜ் கவுரி லங்கேஷ் மரணம் குறித்து தனது ஆற்றாமையை டிவிட்டரில் பதிவு செய்து இருந்தார். அதில் பிரதமர் நரேந்திர மோடியை மிகவும் சிறந்த நடிகர் என்று குறிப்பிட்டு இருந்தார். கவுரி லங்கேஷ் மரணத்தில் மோடி மவுனமாக இருந்ததால் அவர் இப்படி குறிப்பிட்டார்.

இந்த நிலையில் பாஜக எம்.பி பிரதாப் சிம்ஹா, நடிகர் பிரகாஷ் ராஜுக்கு எதிர்ப்பு தெரிவிக்கும் வகையில் மிகவும் மோசகமாக சில டிவிட்களை செய்து இருந்தார். அதில் அவர் பிரகாஷ் ராஜையும் அவரது குடும்பத்தையும் மிகவும் தவறாக பேசி இருந்தார். பின் அதை நீக்கிவிட்டார்.

தற்போது இதுகுறித்து விளக்கம் அளிக்கும்படி பிரகாஷ்ராஜ், பிரதாப் சிம்ஹாவிற்கு நோட்டிஸ் அனுப்பி உள்ளார். மேலும் அந்த நோட்டிசில் தன்னிடம் மன்னிப்பு கேட்கும்படியும் கூறியுள்ளார்.

நோட்டிஸுக்கு சரியான விளக்கம் அளிக்காத பட்சத்தில் நீதிமன்றத்தில் வழக்கு தொடுப்பேன் என்று பிரகாஷ் ராஜ் கூறியிருக்கிறார்.

English summary

Actor Prakash Raj sends legal notice to BJP MP Pratap Simha for trolling him in social media.