ரஜினிகாந்த் தனிக்கட்சி தொடங்கவேண்டும்... திருநாவுக்கரசர் வேண்டுகோள்

நடிகர் ரஜினிகாந்த் தனிக்கட்சி தொடங்கவேண்டும் என்று தமிழ்நாடு காங்கிரஸ் கமிட்டி தலைவர் திருநாவுக்கரசர் கூறியுள்ளார்.

சென்னை: நடிகர் ரஜினிகாந்த் தேசிய கட்சிகளுடன் இணையாமல் தனியாக கட்சி தொடங்கவேண்டும் என்று தமிழக காங்கிரஸ் கமிட்டி தலைவர் திருநாவுக்கரசர் தெரிவித்துள்ளார்.

சென்னையில் முன்னாள் பிரதமர் ராஜீவ் காந்தியின் நினைவுநாள் நிகழ்ச்சியை ஒட்டி அவரின் உருவப்படத்திற்கு மலர்தூவி மரியத்தைச் செலுத்தினார் திருநாவுக்கரசர். இதைத் தொடர்ந்து செய்தியாளர்களிடம் திருநாவுக்கரசர் கூறியதாவது:

தமிழகத்திற்கு நல்ல பல கல்வித் திட்டங்களைத் தந்தவர் ராஜீவ் காந்தி. ரஜினிகாந்த் எனது நல்ல நண்பர்.

அவர் தேசியக் கட்சிகளுடன் இணைய மாட்டார். தனிக்கட்சித் தொடங்கவேண்டும். தமிழகத்தில் பாஜக அரசியல் செய்கிறது.

அதற்கு அ.தி.மு.க. கட்சியின் இரு அணிகளையும் பயன்படுத்திக்கொண்டு, பேச்சுவார்த்தை நடத்தி பின்வாசல் வழியாக தமிழக அரசியலில் வலுவாகப் பார்க்கிறது.

இவ்வாறு திருநாவுக்கரசர் கூறினார்.

English summary

Actor Rajinikant should form a new Political Party says Tamil nadu Congress Committee president Su. Thirunavukkarasr.