ஜெ.வுக்காக காமாட்சி அம்மன், பெரியநாயகி அம்மன் கோவிலில் நடிகை கே.ஆர்.விஜயா சிறப்பு பூஜை

சென்னை: முதல்வர் ஜெயலிதா உடல்நலம் சரியாகி விரைவில் பணிக்கு திரும்ப வேண்டிக் கொண்டு பழம்பெரும் நடிகை கே.ஆர். விஜயா சிறப்பு பூஜை செய்தார்.

முதல்வர் ஜெயலலிதா உடல்நலக் குறைவு காரணமாக கடந்த மாதம் 22ம் தேதி சென்னை அப்பல்லோ மருத்துவமனையில் அனுமதிக்கப்பட்டார். அவர் உடல்நலம் தேறி வருவதாகவும் விரைவில் வீடு திரும்புவார் என்றும் அதிமுகவினர் தெரிவித்துள்ளனர்.

இந்நிலையில் ஜெயலலிதாவுடன் சேர்ந்து படங்களில் நடித்த பழம்பெரும் நடிகையான கே. ஆர். விஜயா சேலம் மாவட்டம் ஆத்தூர் அருகில் உள்ள நாவலூரில் இருக்கும் சக்தி வாய்ந்த எழிலரசி காமாட்சி அம்மன் மற்றும் பெரியநாயகி அம்மன் கோவிலில் சிறப்பு பூஜை செய்தார்.

இது குறித்து கே.ஆர். விஜயா கூறுகையில்,

அன்புள்ளம் மற்றும் எளிய குணம் உள்ள முதல்வர் உடல்நலம் பாதிக்கப்பட்டு மருத்துவமனையில் உள்ளார். அவர் விரைவில் குணமடைந்து பணிக்கு திரும்ப நாவலுார் பெரியநாயகி, காமாட்சி அம்மன் கோவிலில் சிறப்பு பூஜை செய்தேன் என்றார்.

English summary

Actress KR Vijaya has done special poojai at Kamatchi Amman and Periyanayagi amman temple for ailing CM Jayalalithaa.