அடேங்கப்பா அதிமுக.. ஆன்லைனில் 35,000 பேர் மெம்பராகி விட்டனராமே...!

Updated: Wednesday, March 26, 2014, 19:51 [IST]

Subscribe to Oneindia Tamil

சென்னை: அதிமுகவின் இணையதளம் மூலம் இதுவரை 35,000 பேர் உறுப்பினர்களாகியுள்ளனராம்.

அதிமுக இணையதளம் சமீபத்தில் ஹேக் செய்யப்பட்டது. அதன் பின்னர் அதை முடக்கி வைத்து பின்னர் புதுப்பித்தனர்.

புதிய பொலிவுடன் செயல்படும் அதிமுக இணையதளத்தில் புதிய உறுப்பினர் சேர்க்கையும் நடைபெறுகிறது. இதன் மூலம் இதுவரை 35,000 பேர் சேர்ந்துள்ளனராம்.

இது நெட் காலமய்யா...

இது இணையதள காலம். பேஸ்புக், டிவிட்டர் என்று சகலரும் கலகலப்பாக்கி வருகின்றனர் வாழ்க்கையை.

இந்த சமூக வலைத்தள நோய் இப்போது அரசியல்வாதிகளையும், அரசியல் கட்சிகளையும் வெகுவாக பீடித்துள்ளது.

திமுக தலைவர் கருணாநிதி முதல் சாதாரன பொது ஜனம் வரை பேஸ்புக் கணக்கு இல்லாதவரையும், டிவிட்டர் கணக்கு இல்லாதவரையும் பார்க்கவே முடியவில்லை.

இந்த நிலையில் அதிமுகவில் படித்தவர்களையும் அதிக அளவில் சேர்க்க அக்கட்சியின் www.aiadmk.com என்ற இணையதளத்தின் மூலம் உறுப்பினராக வழி செய்ய்பட்டுள்ளது.

இதைப் பயன்படுத்தி தற்போது கடந்த ஒரு மாதத்தில் மட்டும் 35,000 பேர் கட்சியில் இணைந்துள்ளனராம்.

மேலும் படித்த இளைஞர்களுக்கு பதிவு செய்தால், எஸ்.எம்.எஸ். மூலம் தேர்தல், ஜெயலலிதா பிரசாரம், வேட்பாளர் விவரம் உள்ளிட்டவற்றையும் அனுப்பி வைக்கின்றனர்.

மேலும் தற்போது இளைஞர்கள் மத்தியில் படு பிரபலமாக உள்ள வாட்ஸ் ஆப் சேவையையும் பயன்படுத்தி வாலிபர்களை வசீகரிக்கிறது அதிமுக.

இணையத்தின் மூலம் இளைஞர்கள், இளம் பெண்கள், படித்தவர்களை அதிமுகவுடன் பிணைப்பதே தங்களது நோக்கம் என்றும் அதிமுகவினர் கூறுகின்றனர்.