தங்கத்தாரகையே வருக வருகவே... அதிமுக இலக்கிய அணியின் அம்மா பாடல்
முதல்வர் ஜெயலலிதா மருத்துவமனையில் இருந்து வீடு திரும்ப வேண்டும் என்று அதிமுக இலக்கிய அணி சார்பில் பாடல்கள் தயாரித்து வெளியிடப்பட்டுள்ளது.
சென்னை: அப்பல்லோ மருத்துவமனையில் சிகிச்சை பெற்று வரும் முதல்வர் ஜெயலலிதா பூரண நலம் பெற்று விரைவில் வீடு திரும்ப வேண்டும் என்பதை வலியுறுத்தும் வகையில் அதிமுக இலக்கிய அணியினர் பாடல் தயாரித்து வெளியிட்டுள்ளனர்.
அதிமுக இலக்கிய அணி சார்பாக தென் சென்னையை சேர்ந்த கே.எஸ்.மலர்மன்னன் இரு பாடல்களை தயாரித்து வெளியிட்டுள்ளார். இந்த பாடலை முன்னாள் அமைச்சர் வளர்மதி வெளியிட்டார்.
அதிமுக ஆட்சியில் செயல்படுத்தப்பட்ட நலத்திட்டங்களை இந்த பாடல்களில் வரிக்கு வரி கூறியுள்ளனர். ஜெயலலிதா நலம் பெற்று வந்து ஆட்சிக்கட்டிலில் அமர்ந்தால் ஏழைகள் பயன்பெறும் வகையில் நலத்திட்ட உதவிகள் செயல்படுத்துவார் என்றும் இந்த பாடல் மூலம் கூறியுள்ளார் மலர்மன்னன்.
இந்த பாடலை கேட்கும் போது எம்.ஜி.ஆருக்காக எழுதப்பட்ட நீங்க நல்லா இருக்கோணும் நாடு முன்னேற... என்ற பாடல் போல எழுத நினைத்து அதிமுகவின் ஆட்சி காலத்தில் செய்யப்பட்ட சாதனைகளோடு நின்று விட்டது. ஆனாலும் அதிமுகவினருக்கு இந்த பிடிக்கும் என்பது நிச்சயம்.