ரோட்டோர மரத்தில் மோதிய அதிமுக எம்.எல்.ஏவின் கார்.. காயத்துடன் உயிர் தப்பினார்

Published: Monday, September 8, 2014, 10:26 [IST]

Subscribe to Oneindia Tamil

ஈரோடு: ஈரோடு மாவட்டம் அந்தியூர் சட்டசபைத் தொகுதி அதிமுக எம்.எல்.ஏ. ரமணீதரன் பயணித்த கார் சாலையோர மரத்தில் மோதி விபத்துக்குள்ளானது. இதில் எம்.எல்.ஏ உள்பட நான்கு பேர் காயமடைந்தனர்.

ரமணீதரன் தனது சொந்த ஊரான சவண்டப்பூர் என்ற ஊரிலிருந்து கோபிசெட்டிப்பாளையம் நோக்கி காரில் சென்று கொண்டிருந்தார். அவருடன் உதவியாளர்கள் ரமேஷ், சிவக்குமார் மற்றும் இன்னொரு ரமேஷ் ஆகியோரும் இருந்தனர்.

புதுக்கரைப்புதூர் என்ற இடத்தில் அவர்களது கார் வந்தபோது எதிரே திடீரென ஒரு வாகனம் குறுக்கிட்டு விட்டது. இதைப் பார்த்த ரமணீதரன் காரின் டிரைவர் காரை இடதுபக்கமாக வேகமாக திருப்பினார். அப்போது சாலையோரமாக இருந்த மரத்தில் கார் மோதி விட்டது.

இதில் ரமணீதரன் உள்ளிட்ட நான்கு பேரும் காயமடைந்தனர். ரமணீதரன் கோவை தனியார் மருத்துவமனையில் அனுமதிக்கப்பட்டார். அங்கு சிகிச்சைக்குப் பின்னர் அவர் வீடு திரும்பினார். மற்றவர்கள் தொடர்ந்து சிகிச்சை பெற்று வருகின்றனர்.

Published On September 8, 2014