அதிமுக எம்பிகள், செயலாளர்கள் ஆலோசனை கூட்டம்.. நாடாளுமன்ற கூட்டதொடர் பற்றி விவாதம்
சென்னையில் அதிமுக எம்பிகள், மாவட்ட செயலாளர்கள் ஆலோசனை கூட்டம் நடைபெற்றது.
சென்னை: சென்னையில் அதிமுக எம்பிகள், மாவட்ட செயலாளர்கள் ஆலோசனை கூட்டம் நடைபெற்றது. மழைக்கால நாடாளுமன்ற கூட்ட தொடர் குறித்து இதில் விவாதிக்கப்பட்டது.
அதிமுக எம்பிக்கள் ஆலோசனைக் கூட்டம் சென்னையில் உள்ள அதிமுக தலைமை அலுவலகத்தில் முதல்வர் எடப்பாடி பழனிச்சாமி, துணை முதல்வர் ஓ. பன்னீர்செல்வம் தலைமையில் இன்று மாலை நடைபெற்றது. இந்த கூட்டத்தில் அதிமுகவின் ராஜ்யசபா எம்பிகள், லோக்சபா எம்பிகள் கலந்துகொண்டனர்.
ஆலோசனைக் கூட்டத்தில் வருகின்ற நாடாளுமன்ற கூட்டத்தொடரில் அதிமுக எம்பிகள் எப்படி செயல்பட வேண்டும் என்பது குறித்து விவாதிக்கப்பட்டது. அதிமுக எம்பிகள் ஆலோசனைக் கூட்டத்தை தொடர்ந்து, அதிமுகவின் மாவட்ட செயலாளர்கள் ஆலோசனைக் கூட்டம் அதிமுகவின் தலைமை ஒருங்கிணைப்பாளர் ஓ பன்னீர்செல்வம், முதல்வர் எடப்பாடி பழனிசாமி தலைமையில் நடைபெற்றது.
அதிமுக மாவட்ட செயலாளர்களின் ஆலோசனைக் கூட்டத்தில் விரைவில் அதிமுக செயற்குழுவை கூட்டுவது குறித்தும் விவாதிக்கப்படும் என்று எதிர்பார்க்கப்படுகிறது.
அதிமுக எம்பிகள், மாவட்ட செயலாளர்கள் ஆலோசனைக் கூட்டம் அதிமுக வட்டாரத்தில் முக்கியத்துவம் வாய்ந்ததாக கருதப்படுகிறது. அதிமுக வட்டாரத்தில் மட்டுமல்லாமல் தமிழக அரசியல் வட்டாரத்திலும் பரபரப்பை ஏற்படுத்தியுள்ளது.