பரபர கோபாலபுரம்.... முக அழகிரியை தொடர்ந்து கருணாநிதியுடன் ஸ்டாலின் சந்திப்பு!

சென்னை: திமுக தலைவர் கருணாநிதியை முக அழகிரி சந்தித்துவிட்டு சென்ற பின்னர் செயல் தலைவர் ஸ்டாலின் சந்தித்து பேசினார்.

திமுக செயல் தலைவராக அக்கட்சியின் பொதுக்குழுவில் முக ஸ்டாலின் நியமிக்கப்பட்டார். இதையடுத்து கருணாநிதியிடம் ஸ்டாலின் வாழ்த்து பெற்றார்.

செயல் தலைவராக ஸ்டாலின் நியமிக்கப்பட்டதால் அவர் வகித்து வந்த இளைஞரணி செயலர் பதவி வெள்ளகோவில் சாமிநாதனுக்கு வழங்கப்பட்டுள்ளது. இந்த நிலையில் கருணாநிதியை கோபாலபுரம் இல்லத்தில் முக அழகிரி இன்று சந்தித்து பேசினார்.

ஸ்டாலின் செயல் தலைவரான நிலையில் அழகிரி மீண்டும் திமுகவில் சேர்க்கப்படலாம் என கூறப்பட்டு வருகிறது. இந்த நிலையில் கருணாநிதியை அழகிரி சந்தித்துவிட்டு சென்றார்.

இதன் பின்னர் கருணாநிதியை ஸ்டாலின் சந்தித்து பேசினார். இச்சந்திப்பின் போது அழகிரியை மீண்டும் திமுகவில் சேர்ப்பது குறித்து விவாதிக்கப்பட்டிருக்கலாம் என கூறப்படுகிறது.

English summary

After Azhagiri, DMK working President MK Stalin also met DMK leader Karunanidhi today.