நாகப்பட்டினம் தொகுதி எம்.பியாக வெற்றி பெறுவாரா டாக்டர் கே.கோபால்?

நாகப்பட்டினம்: நாகப்பட்டினம் தனி தொகுதியின் அதிமுக வேட்பாளராக அறிவிக்கப்பட்டுள்ளார் டாக்டர் கே. கோபால்.

இவர் தஞ்சாவூர் மாவட்டம் நன்னிலத்தில் டாக்டராக பணிபுரிந்து வருகிறார்.

1980ம் ஆண்டுமுதல் அதிமுகவில் இருந்து வரும் டாக்டர் கோபால், 1991-1996ம் ஆண்டு நன்னிலம் சட்டமன்றத் தொகுதியில் இருந்து அதிமுக சார்பில் போட்டியிட்டு எம்.எல்.ஏவாக தேர்வு செய்யப்பட்டவர்.

1996 ம் ஆண்டு நடைபெற்ற சட்டமன்ற தேர்தலில் அதே தொகுதியில் போட்டியிட்டு தோல்வியைத் தழுவினார். 1998ம் ஆண்டு லோக்சபா தேர்தலில் நாகப்பட்டினம் தொகுதி அதிமுக வேட்பாளராக போட்டியிட்டு இந்திய கம்யூனிஸ்ட் வேட்பாளர் எம். செல்வராசுவிடம் தோல்வியடைந்தார்.

2011ம் ஆண்டு சட்டமன்ற தேர்தலின் போது திருத்துறைப்பூண்டி தொகுதியில் அதிமுக வேட்பாளராக அறிவிக்கப்பட்டார். அது கூட்டணி தொகுதிக்கு ஒதுக்கப்பட்டது.

தற்போது நாகப்பட்டினம் தனி தொகுதியின் அதிமுக வேட்பாளராக அறிவிக்கப்பட்டுள்ளார் டாக்டர் கோபால். இந்தமுறை வெற்றி பெற்று நாடாளுமன்ற லோக்சபாவிற்கு எம்.பியாக செல்வாரா? அல்லது கூட்டணி தொகுதிக்கு விட்டுக்கொடுத்துவிட்டு ஒதுங்கிக் கொள்வாரா என்பது தெரியவில்லை.

English summary

K. Gopal (55), who has been nominated as the party’s candidate for the reserved constituency of Nagapattinam. Gopal, a former MLA and a doctor by profession at Nannilam in Tiruvarur district. Dr. Gopal has been in the party since 1980. He was elected as MLA of Nannilam from 1991-96.