தினகரன் நியமனம் செல்லாது... அவரது பதவியும் செல்லாது
டிடிவி தினகரன் நியமனமே செல்லாது. அவர் வகித்த பதவிகளும் செல்லாது என தீர்மானம் வாசிக்கப்பட்டது.
சென்னை: அதிமுக பொதுக்குழுவில் டிடிவி தினகரன் நியமனமே செல்லாது. அவர் வகித்த பதவிகளும் செல்லாது என தீர்மானம் வாசிக்கப்பட்டது.
வானகரம் ஸ்ரீவாரு மண்டபத்தில் நடைபெறும் பொதுக்குழுவிற்கு 95% பேர் வந்துள்ளதாக தகவல் வெளியாகியுள்ளது. பொதுக்குழு உறுப்பினர்கள் 95% கூட்டத்திற்கு வந்துள்ளதாக கட்சி வட்டாரத்தில் தகவல் தெரிவிக்கப்பட்டுள்ளது.
பல்வேறு அரசியல் பரபரப்புக்கு மத்தியில் இன்று சென்னை வானகரத்தில் அ.தி.மு.க பொதுக்குழு கூட்டம் பலத்த பாதுகாப்புடன் தொடங்கியுள்ளது.
இந்த கூட்டத்தில் 14 முக்கிய தீர்மானங்கள் நிறைவேற்றப்படும் என்று கூறப்பட்டது. முதல் தீர்மானமாக இரட்டை இலையை மீட்க தீர்மானம் நிறைவேற்றப்பட்டது.
எம்.ஜி.ஆர். நூற்றாண்டு விழாவை சிறப்பாக நடத்தி வருவதற்கு பாராட்டி தீர்மானம் நிறைவேற்றப்பட்டது.
ஜெயலலிதாவுக்கு மணி மண்டபம் கட்ட ரூ.15 கோடி நிதி ஒதுக்கிய தமிழக அரசுக்கு நன்றி.
விவசாயிகளுக்கு வறட்சி நிவாரணம் அளித்த தமிழக அரசுக்கு நன்றி.
அதேபோல் டிடிவி தினகரன் வெளியிட்ட அறிவிப்புகள் செல்லாது என தீர்மானம் நிறைவேற்றப்பட்டது.
ஜெயலலிதாவினால் நியமனம் செய்யப்பட்டவர்கள் அந்தந்த பதவிகளில் அப்படியே தொடருவார்கள் என தீர்மானம் நிறைவேற்றப்பட்டது.
டிடிவி தினகரன் நியமனமே செல்லாது. அவர் வகித்த பதவிகளும் செல்லாது என தீர்மானம் வாசிக்கப்பட்டது.
கட்சியில் இனி பொதுச்செயலாளர் பதவி கிடையாது என சட்டத்திருத்தம் கொண்டு வரப்பட்டது.
Click it and Unblock the Notifications
Sign in with Google