அம்மா நாடு... வைரலாகும் காமெடி வீடியோ
சென்னை: தேர்தல் நேரம் என்றால் அனல் பறக்கும் பிரச்சாரம் மட்டுமல்ல காமெடிக்கும் பஞ்சமிருக்காது. நாளிதழ்களில் குபீர் சிரிப்பை வரவழைக்கும் கார்டூன்கள் ஒரு பக்கம் களை கட்டும். பிரச்சாரத்தில் தலைவர்கள் பேசும் பஞ்ச் வசனங்கள் அட போட வைக்கும்.
இந்தியா டுடே வெளியிட்டுள்ள அம்மா நாடு காமெடி செம கலக்கல் வாட்ஸ் அப், டுவிட்டர், ஃபேஸ்புக்குகளில் இதுதான் இன்றைக்கு ஹாட்.
வெயிலில் சிக்கிய கருணாநிதி தாகத்திற்கு தண்ணீர் குடிக்கப் போனால், அங்கே அம்மா குடிநீர்தான் கிடைக்கிறது. பசிக்கு சாப்பிட போனால் அம்மா கேண்டீன்தான் இருக்கிறது. தலைவலிக்கு மாத்திரை வாங்கப் போனால் கூட அம்மா மருந்தகம்தான் கண்ணில் படுகிறது. அட இளநீரில் கூட அம்மா ஸ்டிக்கர் ஒட்டியிருக்க, அதை கடலில் தூக்கிப் போட்டால், கடல் அலையா சுனாமியாக மாறி ஜெயலலிதாவின் முகமாக மாறுவதுதான் 'நச்'
இதைப்பார்த்தால் கருணாநிதியே விழுந்து விழுந்து சிரிப்பார் என்பது நிச்சயம்.