அரக்கோணம் பணிமனை விரிவாக்க பணிகள்... 5 மணி நேரம் ரயில்கள் தாமதம்

அரக்கோணம் பணிமனை விரிவாக்க பணிகள் நடைபெறுவதால் 5 மணி நேரம் ரயில்கள் தாமதமானது.

சென்னை: அரக்கோணம் பணிமனை விரிவாக்க பணிகள் நடப்பதால், சென்னையிலிருந்து பல்வேறு பகுதிகளுக்கு சென்ற ரயில்கள் 5 மணி நேரம் தாமதாக சென்றடைந்தது.

அரக்கோணம் பணிமனை விரிவாக்க பணிகள் நடப்பதால் ரயில்களின் இயக்கங்கள் மாற்றி அமைக்கப்பட்டுள்ளன. சென்னையில் இருந்து காலை 6 மணிக்கு புறப்பட்டு நேற்று மதியம்1.45 செல்ல வேண்டிய கோவை எக்ஸ்பிரஸ் மாலை 6.30 மணிக்கு கோவைக்கு சென்றது.

காலை 6.15 மணிக்கு கோவை செல்ல வேண்டிய சேரன் எக்ஸ்பிரஸ் 10.30 மணிக்கும், 2.15-க்கும் கோவை செல்ல வேண்டிய சதாப்தி எக்ஸ்பிரஸ் இரவு 7 மணிக்கும் கோவை சென்றடைந்தது.

அதுபோல் சென்னையிலிருந்து இரவு 9.05 மணிக்கு புறப்பட்டு காலை 5 மணிக்கு கோவை செல்ல வேண்டிய நீலகிரி எக்ஸ்பிரஸ் 10 மணிக்கு சென்றடைந்தது. சென்னை சென்ட்ரலுக்கு வரவேண்டிய பாலக்காடு எக்ஸ்பிரஸ் ரயில் திருச்சி,விழுப்புரம் மார்க்கமாக திருப்பிவிடப்பட்டது.

இதனால் காலை 4.15 மணிக்கு சென்ட்ரலுக்கு வரவேண்டிய பாலக்காடு எக்ஸ்பிரஸ் ரயில் 1 மணிநேரம் தாமதமாக வந்தடைந்தது. இதனால் பயணிகள் கடும் சிரமத்துக்குள்ளாகினர்.

English summary

Arakkonam Railway depot extension process. 5 hours train late.