சொத்து மதிப்பில் டாப்பில் மதுசூதனன்... தினகரனுக்கு இவ்வளவு தானா சொத்து?
ஆர்கே நகர் இடைத்தேர்தலில் போட்டியிடும் வேட்பாளர்களின் சொத்து விவரங்கள் தெரிய வந்தள்ளன.
சென்னை : ஆர்கே நகர் இடைத்தேர்தலில் போட்டியிடும் வேட்பாளர்கள் வேட்பு மனுக்களுடன் சொத்து விவரங்களையும் தாக்கல் செய்துள்ளனர்.
ஆர்கே நகர் இடைத்தேர்தலில் போட்டியிடும் முக்கிய வேட்பாளர்கள் இன்று வேட்பு மனு தாக்கல் செய்துள்ளனர். திங்கட்கிழமையோடு வேட்பு மனு தாக்கல் முடிவடையும் நிலையில் இன்று அதிமுக, திமுக மற்றும் தினகரன் உள்ளிட்டோர் அடுத்தடுத்து மனு தாக்கல் செய்துள்ளனர்.
வேட்பு மனுத் தாக்கலின் போது வேட்பாளர்கள் தங்களின் சொத்து விவரங்களையும் தாக்கல் செய்துள்ளனர். வேட்பாளர்களின் சொத்து மதிப்பில் டாப்பில் இருப்பது அதிமுகவின் மதுசூதனன். அதற்கு அடுத்த இடத்தில் இருப்பவர் டிடிவி. தினகரன்.
அதிமுக வேட்பாளர் மதுசூதனனுக்கு ரூ. 1 கோடியே 49 லட்சம் மதிப்பிலான சொத்துகள் இருப்பதாக தேர்தல் ஆணையத்தில் தாக்கல் செய்யப்பட்டுள்ள மனுவில் தெரிவிக்கப்பட்டுள்ளது. சின்னம் கிடைக்காததால் தனித்து களமிறங்கும் டிடிவி. தினகரன் தனக்கு ரூ. 74. 17 லட்சம் மதிப்பிலான சொத்துகள் இருப்பதாக மனுவில் குறிப்பிட்டுள்ளார்.
தினகரனனின் அசையும் சொத்துகளின் மதிப்பு - ரூ. 16.73 லட்சம் என்றும் அசையா சொத்துகளின் மதிப்பு ரூ. 57.74 லட்சம் என்றும் தெரிவிக்கப்பட்டுள்ளது. திமுக வேட்பாளர் மருதுகணஷிற்கு ரூ. 12.57 லட்சம் மதிப்புள்ள சொத்துகள் உள்ளதாக தெரிவிக்கப்பட்டுள்ளது.
Click it and Unblock the Notifications
Sign in with Google