ஜெயலலிதா ராசிக்கு இன்றைக்கு எப்படி இருக்கு?: இது ஜெயா டிவி லைவ்

சென்னை: சட்டசபை தேர்தலுக்கான வாக்கு எண்ணிக்கை முடிவுகளை அறிவிக்கும் பரபரப்பில் ஊடகங்கள் இருக்க, ஜெயாடிவியில் ஜோதிடர்களை வைத்து இன்றைக்கு ஜெயலலிதாவின் ராசிக்கு எப்படி இருக்கிறது என்று லைவ் நிகழ்ச்சி நடத்தினர். இடை இடையே வாக்கு எண்ணிக்கை முடிவுகளையும் அறிவித்தனர்.

தீய சக்தியானது அணி அணியாக இருக்கிறது... தெய்வ சக்தி தனியாக நிற்கிறது. இந்த துன்முகி வருடத்தில் தெய்வ சக்தியானது ஜெயலலிதாவை காக்கும் என்று ஜெயாடிவியில் லைவ் நிகழ்ச்சியில் வந்த ஜோதிடர்கள் கூறினர்.

அரசியல்வாதிகள் அனைவருமே இன்றைக்கு ராசிபலனை பார்த்து விட்டுதான் போயிருப்பார்கள் ஜெயலலிதாவின் சிம்ம ராசி, மகம் நட்சத்திரத்திற்கு இன்றைய பலன் எப்படி இருக்கிறது என்று நிகழ்ச்சி தொகுப்பாளர் கேட்க, அதற்கு பலன் கூறினார் ஒரு ஜோதிடர்.

ஜெயலலிதாவின் ராசிப்படி லக்னத்திற்கு 6ம் இடத்தில் சனி இருப்பதால் எதிரிகள் நசிந்து போவார்கள். அம்மாவிற்கு வெற்றியே கிடைக்கும் என்றார் ஒரு ஜோதிடர்.

ஜெயலலிதா 25 வேட்புமனு தாக்கல் செய்தது ஏன்? அதனால் பலன் கிடைக்குமா என்று கேட்கவே? அதற்கு பதில் சொன்ன ஜோதிடர், கேது என்பது புரட்சிகளை கொடுக்க கூடிய கிரகம். அன்றைய தினம் 7, 2 என்ற அமைப்புப்படி இருக்கிறது. ஏழு மிகவும் ராசியானது சிறப்பான மாற்றத்தை தரும் என்று கூறியுள்ளனர்.

வாஸ்துபடி ஆர்.கே.நகர் தொகுதி ஜெயலலிதாவின் வெற்றிக்கு சாதகமாக இருக்கிறது என்றும். துன்முகி வருடமானது ஜெயலலிதாவிற்கு சாதகமாகவே இருக்கிறது. நிச்சயம் ஆட்சிமைப்பார் என்று ஜோதிடர்கள் கூறியுள்ளனர். ஜெயலலிதா மீண்டும் ஆட்சியை தக்கவைப்பாரா? இன்னும் சில மணிநேரங்களில் தெரிந்து விடும்.

English summary

Jaya TV live telecast astrologer discussion in election counting day.