தயாளு அம்மாளிடம் உடல் நலம் விசாரித்தார் முக அழகிரி - கருணாநிதியை சந்திக்கவில்லை!

By Mathi

Updated: Saturday, February 6, 2016, 18:35 [IST]

Subscribe to Oneindia Tamil

சென்னை: முன்னாள் மத்திய அமைச்சர் முக அழகிரி திமுகவில் மீண்டும் சேர்க்கப்படலாம் எனக் கூறப்படும் நிலையில் இன்று திடீரென கோபாலபுரம் சென்று தாய் தயாளு அம்மாளை மட்டும் சந்தித்து உடல்நலம் குறித்து விசாரித்திருக்கிறார். திமுக தலைவரான தந்தை கருணாநிதியை அழகிரி சந்திக்கவில்லை என்கிறது திமுக வட்டாரங்கள்.

சட்டசபை தேர்தல் நெருங்கும் நிலையில் திமுகவில் மீண்டும் முக அழகிரி சேர்த்துக் கொள்ளப்படலாம் என தொடர்ந்து செய்திகள் வந்து கொண்டிருக்கின்றன. இதை முக ஸ்டாலின் வதந்தி என மறுத்து வருகிறார்.

இந்நிலையில் திடீரென கோபாலபுரம் வீட்டுக்கு முக அழகிரி சென்றதால் பரபரப்பு ஏற்பட்டது. அவர் கருணாநிதியை சந்தித்து பேசியதாக செய்திகள் வெளியாகின.

ஆனால் கோபாலபுரம் வீட்டில் தாய் தயாளு அம்மாளை மட்டும் அழகிரி சந்தித்து பேசினார்... கருணாநிதியை அவர் சந்திக்கவில்லை என்று திமுக வட்டாரங்கள் தெரிவித்துள்ளன.