திடீரென ரஜினியைச் சந்தித்த அழகிரி... என்ன பேசினார்கள் தெரியுமா?

Updated: Monday, August 1, 2016, 13:08 [IST]

Subscribe to Oneindia Tamil

சென்னை: முன்னாள் மத்திய அமைச்சரான அழகிரி, சென்னையில் நடிகர் ரஜினியை அவரது இல்லத்தில் சந்தித்துப் பேசினார்

லிங்கா படத்தைத் தொடர்ந்து ரஜினி நடித்த கபாலி படம் தியேட்டர்களில் வெற்றிகரமாக ஓடி வருகிறது. ரஞ்சித் இயக்கிய இப்படத்தில் மலேசிய டான் ஆக நடித்திருந்தார் ரஜினி.

தொடர்ந்து பல்வேறு சாதனைகளை கபாலி புரிந்து வருகிறது.

சென்னையில் ஓய்வு...

இதற்கிடையே, கபாலி படப்பிடிப்பு முடிந்து அமெரிக்கா சென்று ஓய்வெடுத்து வந்த ரஜினி, கடந்த வாரம் தான் சென்னை திரும்பினார். கபாலி பட வெற்றியால் மகிழ்ச்சியடைந்துள்ள அவர் கேளம்பாக்கம் இல்லத்தில் ஓய்வெடுத்து வருகிறார்.

அழகிரியுடன் சந்திப்பு...

இந்த சூழ்நிலையில் தான் திமுகவில் இருந்து நீக்கப்பட்ட முன்னாள் மத்திய அமைச்சர் அழகிரி தனது மனைவியுடன் சென்னை கேளம்பாக்கத்தில் உள்ள இல்லத்தில் ரஜினியை நேற்று சந்தித்தார்.

கபாலி...

இந்தச் சந்திப்பின்போது ரஜினியின் உடல்நலம் குறித்து அக்கறையுடன் விசாரித்த அழகிரி, கபாலி படம் குறித்தும் கேட்டறிந்ததாக தகவல்கள் தெரிவிக்கின்றன. மேலும், இந்த சந்திப்பின் போது ரஜினியுடன் அவரது மனைவி லதா ரஜினிகாந்தும் இருந்துள்ளார்.